Sprava Paŭłaŭca. Karač: «Jon biezumoŭny palitviazień». Aviarjanaŭ-Minski: «Biełaruskaja ŭłada choča zatknuć rot usim prychilnikam Ruskaha śvietu»
Kiraŭnik Mižnarodnaha Centra hramadzianskich inicyjatyŭ «Naš Dom» (Biełaruś) Volha Karač prakamientavała dla rasijskaha partała eadaily.com zatrymańnie vykładčyka BDUIR Juryja Paŭłaŭca, adepta «ruskaha śvietu».
«Nahadaju, što ŭ svoj čas była anałahičnaja situacyja ź biełaruskim žurnalistam Andžejem Pačobutam, jakoha biełaruskija ŭłady sprabavali vykarystać u handli z Polščaj padčas abvastreńnia biełaruska-polskich adnosin. Nievypadkova zatrymany mienavita žurnalist i aŭtar artykułaŭ i ŭ hety raz. U Alaksandra Łukašenki jość bahaty vopyt handlu palitviaźniami z Zachadam. Ciapier, padčas abvastreńnia biełaruska-rasijskich adnosin, znoŭ vykarystany pravierany varyjant, tolki ŭ hety raz zatrymany žurnalist, z-za jakoha budzie taki ž adčajny torh, ale ŭžo z Rasijaj.
Na moj pohlad, Juryj Paŭłaviec, jak u svoj čas Andžej Pačobut, źjaŭlajecca biezumoŭnym palityčnym źniavolenym, i heta palityčnaja sprava. Ale ja nie dumaju, što heta apošniaje zatrymańnie. Dumaju, što ŭ Biełarusi idzie čarada palityčnych aryštaŭ ludziej z prarasiejskimi pohladami. Alaksandr Łukašenka, na moj pohlad, pasprabuje nabrać čym bolš padobnych «arhumientaŭ» u razmovie z Maskvoj», — zajaviła Volha Karač.
Razam ź joj, u abaronu Paŭłaŭca i z rezkaj krytykaj uładaŭ Biełarusi na partale vystupajuć Dźmitryj Bałkuniec, Kirył Aviarjanaŭ-Minski, Andrej Suzdalcaŭ.
«Biełaruskaja ŭłada choča zatknuć rot usim prychilnikam Ruskaha śvietu», — kaža Aviarjanaŭ-Minski.
Kamientary