Staŭleńnie rasijskich ŚMI da Biełarusi i asobnych pradstaŭnikoŭ urada hetaj krainy «absalutna dobrazyčlivaje», zajaviŭ infarmacyjnamu ahienctvu RNS namieśnik ministra suviazi i masavych kamunikacyj Rasii Alaksiej Volin.
«Bolšaja častka infarmacyjnaha pola (u Rasii — red.) całkam pazityŭnaja. Viadučyja rasijskija ŚMI nadajuć šmat uvahi kankretnym prajektam Sajuznaj dziaržavy. My nie bačym ničoha strašnaha ŭ tym, kali ŭ ŚMI aśviatlajucca realnyja prablemy i sprečki, jakija, naturalna, zdarajucca pamiž partniorami», — paviedamiŭ Volin, adznačyŭšy, što jon časta abmiarkoŭvaje z kalehami ź Biełarusi publikacyi ŭ rasijskich ŚMI.
Volin padkreśliŭ, što ŭ Rasii, biezumoŭna, jość ŚMI, jakija krytykujuć Biełaruś i jaje kiraŭnictva. «Ale ŭ Rasii dziejničaje svaboda słova, i dziaržava nie moža dyktavać kamu, što i pra kaho pisać», — zajaviŭ namieśnik ministra suviazi i masavych kamunikacyj. Pavodle jaho słoŭ, rasijskaje kiraŭnictva ŭ biełaruskich ŚMI «krytykujecca navat kudy čaściej, čym biełaruskaje».
Kamientary