Стаўленне расійскіх СМІ да Беларусі і асобных прадстаўнікоў урада гэтай краіны «абсалютна добразычлівае», заявіў інфармацыйнаму агенцтву RNS намеснік міністра сувязі і масавых камунікацый Расіі Аляксей Волін.
«Большая частка інфармацыйнага поля (у Расіі — рэд.) цалкам пазітыўная. Вядучыя расійскія СМІ надаюць шмат увагі канкрэтным праектам Саюзнай дзяржавы. Мы не бачым нічога страшнага ў тым, калі ў СМІ асвятляюцца рэальныя праблемы і спрэчкі, якія, натуральна, здараюцца паміж партнёрамі», — паведаміў Волін, адзначыўшы, што ён часта абмяркоўвае з калегамі з Беларусі публікацыі ў расійскіх СМІ.
Волін падкрэсліў, што ў Расіі, безумоўна, ёсць СМІ, якія крытыкуюць Беларусь і яе кіраўніцтва. «Але ў Расіі дзейнічае свабода слова, і дзяржава не можа дыктаваць каму, што і пра каго пісаць», — заявіў намеснік міністра сувязі і масавых камунікацый. Паводле яго слоў, расійскае кіраўніцтва ў беларускіх СМІ «крытыкуецца нават куды часцей, чым беларускае».
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты12
Каментары