Sudovaja kalehija pa spravach intelektualnaj ułasnaści Viarchoŭnaha suda pryznała zakonnym i abhruntavanym rašeńnie Ministerstva antymanapolnaha rehulavańnia i handlu ad 28 lipienia 2016 hoda ab fakcie parušeńnia antymanapolnaha zakanadaŭstva ŭ častcy ažyćciaŭleńnia niesumlennaj kankurencyi ŭ dziejańniach AAT «Brescki miasakambinat», źviazanych z nabyćciom i vykarystańniem pravoŭ na tavarny znak «Ot babuški».
Adpaviednaja infarmacyja raźmieščana na aficyjnym sajcie MARH.
Niesumlennymi byli pryznanyja dziejańni AAT «Brescki miasakambinat» pa rehistracyi ŭ patentnym orhanie nazvanaha tavarnaha znaka ŭ dačynieńni da kaŭbasnych vyrabaŭ, miasnych praduktaŭ, a taksama pasłuh, źviazanych z handlem takimi tavarami, a taksama pa zabaronie na vykarystańnie tavarnaha znaku «Ot babuški» ŭ naźvie kaŭbasnych vyrabaŭ inšych miasakambinataŭ.
U MARH nahadali, što ŭ 2006 hodzie TAA «Vikos» raspracavała i zaćvierdziła pa ŭzhadnieńni z namieśnikam hałoŭnaha dziaržaŭnaha sanitarnaha ŭrača zbornik receptur na kaŭbasnyja vyraby, jaki ŭklučaje recepturu na kaŭbasu syravendžanuju pad nazvaj «Ot babuški». U hetaj suviazi kaŭbasu «Ot babuški» pa hetaj receptury mohuć vyrablać lubyja haspadarčyja subjekty, jakim jana pieradadziena va ŭstanoŭlenym paradku. Tak, vytvorčaść i realizacyju kaŭbasnych vyrabaŭ pad hetaj nazvaj ažyćciaŭlajuć AAT «Minski miasakambinat», AAT «Brescki miasakambinat», TAA «Viales-Mit», TAA «Vikos» i inšyja.
«Takim čynam, sproba AAT «Brescki miasakambinat» pieraškodzić dziejnaści sumlennych vytvorcaŭ kaŭbasnych vyrabaŭ pad ahulnaviadomym nazvaj, jakija karystajucca ŭstojlivym popytam u spažyŭcoŭ, šlacham manipulavańnia pravam ułasnaści na tavarny znak nie mieła pośpiechu», - rastłumačyli ŭ MARH.
Pradstaŭlenaja AAT «Brescki miasakambinat» pravavaja achova tavarnaha znaku «Ot babuški» moža być pryznanaja patentnym orhanam pa zajavie zacikaŭlenych niesapraŭdnaj.
