Usie sprečnyja pytańni pa nafcie i hazie buduć vyrašanyja ŭ najbližejšy čas, zajaviŭ žurnalistam pasoł Rasii ŭ Biełarusi Alaksandr Surykaŭ.
«Adnovim pastaŭki nafty. Usie sprečnyja pytańni buduć vyrašanyja», — cytuje jaho słovy BiełTA.
Nasamreč niama nijakich naftavych i hazavych vojnaŭ, ličyć Surykaŭ. «Jość kantrakt na pastaŭku hazu ŭ Respubliku Biełaruś. Jon zakančvajecca ŭ kancy 2017 hoda. Jość sumnievy ŭ canie, pieršapačatkova nazvanaj u kantrakcie. Praŭda, jana źniziłasia ŭ suviazi z padzieńniem cenaŭ na vuhlevadarody. Akramia taho, isnuje mižuradavaje pahadnieńnie z nahody pierachodu na roŭnadachodnyja ceny, u tym liku na vuhlevadarodnuju syravinu. u suviazi z padzieńniem cenaŭ na enierhanośbity jość patreba abmierkavać, jakoj robicca roŭnadachodnaja cana ŭ śviatle mižuradavaha pahadnieńnia», — skazaŭ rasijski dypłamat. Heta značyć, zaŭvažyŭ jon, «dva dakumienty jak by ŭstupili ŭ dysharmoniju pamiž saboj».
«Napeŭna, rašeńnie treba było šukać nie ŭ siłavych mietadach, heta značyć u spynieńni płaciažoŭ za haz, a ŭ damoŭlenaściach abo ŭ sudovych rašeńniach (jaki dakumient sud pryznaje abjektyŭnym). Pajšli ž šlacham siłavoha rašeńnia.
Na žal, heta zavodzić u tupik. ale tupik rassmoktvajecca, i litaralna dniami ŭsie prablemy, źviazanyja z naftahazavymi spravami, buduć vyrašanyja da zadavalnieńnia abodvuch bakoŭ», — zapeŭniŭ pasoł Rasii ŭ Biełarusi, dadaje BiełaPAN.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach5
Kamientary