Усе спрэчныя пытанні па нафце і газе будуць вырашаныя ў найбліжэйшы час, заявіў журналістам пасол Расіі ў Беларусі Аляксандр Сурыкаў.
«Адновім пастаўкі нафты. Усе спрэчныя пытанні будуць вырашаныя», — цытуе яго словы БелТА.
Насамрэч няма ніякіх нафтавых і газавых войнаў, лічыць Сурыкаў. «Ёсць кантракт на пастаўку газу ў Рэспубліку Беларусь. Ён заканчваецца ў канцы 2017 года. Ёсць сумневы ў цане, першапачаткова названай у кантракце. Праўда, яна знізілася ў сувязі з падзеннем цэнаў на вуглевадароды. Акрамя таго, існуе міжурадавае пагадненне з нагоды пераходу на роўнадаходныя цэны, у тым ліку на вуглевадародную сыравіну. у сувязі з падзеннем цэнаў на энерганосьбіты ёсць патрэба абмеркаваць, якой робіцца роўнадаходная цана ў святле міжурадавага пагаднення», — сказаў расійскі дыпламат. Гэта значыць, заўважыў ён, «два дакументы як бы ўступілі ў дысгармонію паміж сабой».
«Напэўна, рашэнне трэба было шукаць не ў сілавых метадах, гэта значыць у спыненні плацяжоў за газ, а ў дамоўленасцях або ў судовых рашэннях (які дакумент суд прызнае аб'ектыўным). Пайшлі ж шляхам сілавога рашэння.
На жаль, гэта заводзіць у тупік. але тупік рассмоктваецца, і літаральна днямі ўсе праблемы, звязаныя з нафтагазавымі справамі, будуць вырашаныя да задавальнення абодвух бакоў», — запэўніў пасол Расіі ў Беларусі, дадае БелаПАН.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»23
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары