Vytvorčaść bijamietryčnych pašpartoŭ i nacyjanalnych ID-kartak płanujecca asvoić u Biełarusi da kanca 2018 hoda. Pra heta paviedamiŭ siońnia na pres-kanfierencyi načalnik Departamienta pa hramadzianstvie i mihracyi Ministerstva ŭnutranych spraŭ Alaksiej Biahun.
«Miarkujecca, što ŭ kancy 2018 hoda my ŭžo atrymajem bijamietryčny pašpart dla vyjezdu za miažu i ID-kartku», — skazaŭ Alaksiej Biahun. Jon nahadaŭ, što ŭ adpaviednaści z płanam pa asvajeńni bijamietryčnych technałohij u pieryjad z 2014 pa 2018 hod u Biełarusi pravodzicca kompleks mierapryjemstvaŭ pa ŭkaranieńni bijamietryčnych technałohij u nacyjanalnyja dakumienty. «Heta pašpart dla vyjezdu za miažu i nacyjanalnaja ID-kartka. Płanujecca ich ukaranieńnie ŭ biełaruskuju intehravanuju servisna-raźlikovuju sistemu», — udakładniŭ śpiecyjalist.
ID-kartki ŭjaŭlajuć saboj płastykavyja kartki ź bijamietryčnaj infarmacyjaj, zapisanaj na čypie. Jany paśpiachova prymianiajucca ŭ mnohich krainach śvietu. Takija kartki kampaktnyja i znosastojkija. Hałoŭnaja ich pieravaha ŭ tym, što ich praktyčna niemahčyma padrabić. Vykarystańnie bijamietryčnych zahranpašpartoŭ daje mahčymaść pierasiakać hranicu inšych dziaržaŭ chutčej i kamfortniej.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica3
Kamientary