Źmitra Daškieviča zabłakavali ŭ mašynie daišniki i amapaŭcy, ale incydent ničym nie skončyŭsia FOTA
Lidara Maładoha fronta Źmitra Daškieviča, jaki jechaŭ na svaim aŭto pa pracoŭnych spravach (Źmicier maje firmu pa vyrabie mebli) zabłakavali pravaachoŭniki ŭ rajonie vuł. Astrožskich, 4.
Jak skazaŭ Daškievič karespandentu «Našaj Nivy», za im jechali bus z amapaŭcami i mašyna DAI. Inśpiektar spačatku źvinavaciŭ Daškieviča ŭ tym, što toj dvojčy prajechaŭ na čyrvonaje śviatło ŭ rajonie praśpiekta Dziaržynskaha i vulicy Hurskaha. Śviedkam «prajezdu na čyrvonaje», kaža Daškievič, byŭ amapaviec.
Potym Daškieviča źvinavacili ŭ tym, što jon niećviarozy za rulom, zabrali dakumienty. Paśla, praŭda, dakumienty viarnuli, ale vychodzić z mašyny na patrabavańnie inśpiektara DAI Daškievič admoviŭsia. Kali daišniki sami pasprabavali adčynić dźviery jaho aŭto, jon ich zabłakavaŭ zsiaredziny.
«Zmitser Dashkevich zabłakavali na padjedzie da Alaksiej Shein, kudy jon nakiroŭvaŭsia źbirać meblu, — piša žonka Daškieviča Nasta ŭ fejsbuku. — Kaža, što mašyna atočana AMAP».
«Pahražajuć, što buduć hvałtam dastavać z mašyny. Mnoha amapa pa cyvilnamu», — dadała jana, ale praź niekalki chvilin adpisałasia: «Paśla aktyŭnaha šuchiera ŭsie raźjechalisia. To kryčali, što hvałtam dastaniem z mašyny, a potym raźjechalisia. Jon sam u šoku i ničoha nie razumieje».
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie6
Kamientary