«Novaja žaleznaja zasłona». NATA zaminiruje ŭsiu uschodniuju miažu ad Finlandyi da Polščy
Piać krain Uschodniaj Jeŭropy, što miažujuć z Rasijaj i Biełaruśsiu, vychodziać z Ataŭskaj kanviencyi, jakaja zabaraniaje supraćpiachotnyja miny. Takim čynam jany chočuć mieć mahčymaść vykarystać hetyja miny dla ŭmacavańnia svajoj abarony na ŭschodniaj miažy NATA — ad Łapłandyi ŭ Finlandyi da Lublinskaha vajavodstva ŭ Polščy, piša The Telegraph.
Heta rašeńnie stała adkazam na vajnu va Ukrainie, jakaja praciahvajecca ŭžo čaćviorty hod, i mahčymuju pahrozu vajennaha kanfliktu z Rasijaj u najbližejšyja 2—5 hadoŭ. Płanujecca, što paviedamleńnie ab vychadzie z kanviencyi budzie nakiravana ŭ AAN užo da kanca červienia, a z kanca hoda pačniecca miniravańnie patencyjna niebiaśpiečnych učastkaŭ.
U artykule adznačajecca, što Rasija nikoli nie dałučałasia da hetaj kanviencyi i praciahvaje naroščvać zapasy min — bolš za 26 miljonaŭ, što značna bolš, čym u inšych krain. Dla paraŭnańnia: u Pakistana — 6 miljonaŭ, u Kitaja — 5 miljonaŭ.
Ułady krain Bałtyi niebiespadstaŭna ličać, što mienavita jany mohuć stać pieršymi mišeniami ź liku krain NATA. Litva baicca, što Rasija moža vykarystać čyhunku «Maskva — Kalininhrad», jakaja prachodzić praź jaje terytoryju, jak padstavu dla «abarony svaich hramadzian». Taksama jość ryzyka, što Rasija pasprabuje zachapić Suvałkski kalidor — stratehičny adrezak pamiž Litvoj i Polščaj.
Ministr abarony Litvy zajaviŭ, što z času dałučeńnia da Ataŭskaj kanviencyi ŭ 2003 hodzie situacyja ź biaśpiekaj u rehijonie značna pahoršyłasia. Ułady Litvy ŭžo vydatkavali 800 miljonaŭ jeŭra na vytvorčaść supraćpiachotnych i supraćtankavych min i płanujuć pavialičyć vydatki na abaronu da 5,5% VUP.
Faktyčna ciapier na ŭschodniaj miažy Jeŭropy farmujecca novaja «žaleznaja zasłona» — tolki ŭžo ŭ vybuchovaniebiaśpiečnym varyjancie.
Tramp pastaviŭ pad sumnieŭ tradycyjnuju traktoŭku 5-ha artykuła NATA
«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy
Rasija moža napaści na Jeŭropu ŭžo ŭ 2027 hodzie
Hiermanija vyrašyła pakinuć historyju ŭ minułym i rychtavacca da vajny
Załužny: NATA siońnia nie maje mocy. Piataha artykuła tam niama i nie budzie
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu7878
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu78
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary