Uładzimir Kondruś vyzvaleny pad «chatniuju chimiju»
Jaho pryznali vinavatym va ŭdziele ŭ masavych biesparadkach i prysudzili da paŭtara hoda «chatniaj chimii» z prymusovym lačeńniem i nahladam. Kondrusiu zastajecca adbyć kala piaci miesiacaŭ «chatniaj chimii» z ulikam času, praviedzienaha ŭ SIZA.
Lačyć Kondrusia buduć, bo ekśpiertyza ŭstanaviła ŭ jaho psichičny razład asoby. Sud pryznaŭ, što abvinavačany byŭ «častkova adekvatnym» padčas svajho «złačynstva» (majecca na ŭvazie na Płoščy). Ale lačeńnie budzie prachodzić ambułatorna.
Kondruś — udzielnik Płoščy-2010, jakoha zatrymali praz 5 hadoŭ i sudzili za ŭdzieł u masavych biesparadkach. Na pieršym pasiadžeńni Kondruś demanstratyŭna pasprabavaŭ uskryć vieny. Na druhim — admoviŭsia iści ŭ zału suda.
Prakuror Volha Hierasimovič paprasiła pryznać abvinavačanaha «častkova adekvatnym» i dać Uładzimiru Kondrusiu 3 hady abmiežavańnia voli biez nakiravańnia ŭ papraŭčuju ŭstanovu z prymusovym nahladam i lačeńniem. Źmiakčalnymi abstavinami prakuror adznačyła psichičnaje rasstrojstva i toje, što ad padziej na Płoščy prajšło ŭžo 6 hadoŭ.
Sudździa Śviatłana Bandarenka vyniesła prysud navat miakčejšy, čym prasiła prakuror.
Praŭda, abviaščeńnie prysudu prajšło biez udziełu samoha Kondrusia. Kali sudździa čytała prysud, kletka była pustoj.
Kondruś na voli: «Dumaju, heta była nie apošniaja Płošča»
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary