Žychary Ełka vyjšli na vulicy praź śmierć u navahodniuju noč naviednika kaviarni, jakaja naležyć mihrantam.
U navahodniuju noč u bary «Prince Kebab» u miastečku Ełku na paŭnočnym uschodzie Polščy adbyłasia bojka, u vyniku jakoj zahinuŭ 21-hadovy mužčyna, atrymaŭšy niekalki nažavych ran, paviedamlaje «Radyjo Racyja».
«Hałoŭnym i adzinym padazravanym u złačynstvie źjaŭlajecca hramadzianin Tunisa» - paviedamiŭ na pres-kanfierencyi hałoŭny prakuror rajonnaj prakuratury Ełka Vojciech Piktel.
Sa słoŭ prakurora, padazravany pracavaŭ u bary ŭ jakaści kuchara, jon pryznaŭsia, što padčas bojki z paciarpiełym vykarystaŭ nož, i moh nanieści hetym nažom udary.
«Pavodle našych źviestak, u hetym bary adbyŭsia niejki incydent, jaki napaliŭ atmasferu, ale pačatak situacyi nam da kanca nieviadomy. Viadoma tolki, što paciarpieły ŭziaŭ u bary dźvie butelki z napojem, nie zapłaciŭšy za ich. Ułaśnik ustanovy razam z kucharam pabiehli za im z metaj zabrać hetyja plaški. Ale paźniej usio skončyłasia našmat trahičniej i dramatyčniej», - skazaŭ prakuror.
Pavodle infarmacyi palicyi, zatrymanyja čaćviora mužčyn, u tym liku zamiežniki.
Spasyłajučysia na tajamnicu śledstva, palicyja nie vydała hramadzianstva zatrymanych.
Nieaficyjna viadoma, što siarod zatrymanych akramia hramadzianina Tunisa jość taksama hramadzianie Ałžyra i Maroka.
1 studzienia ŭ druhoj pałovie dnia ŭ centry Ełka pačali źbiracca tutejšyja žychary, kab zapalić śviečki.
Ale mirnaja akcyja pierarasła ŭ sutyčku z palicyjantami. Udzielniki akcyi zakidali butelkami i kamianiami palicyjantaŭ, zatym nieviadomyja padpalili budynak bara Prince Kebab, a taksama jašče adnoj ustanovy, jaki naležyć tamu ž ułaśniku.
Adbylisia sutyknieńni z palicyjaj. Ahulnaja kolkaść udzielnikaŭ nieparadkaŭ dasiahnuła 300 čałaviek. Kiraŭnik MUS Polščy Maryjuš Błaščak paviedamiŭ, što było zatrymana 28 čałaviek. Siarod ich čaćviora supracoŭnikaŭ restaracyi i 24 čałavieki, jakija brali ŭdzieł u vuličnych bojkach.
Što zapisana aficyjnaj pryčynaj śmierci adzinaha syna Jarmošynaj?4
Kamientary