U Biełarusi bolš za 130 čałaviek zatrymanyja ŭ pieršy dzień 2017 hoda za jazdu ŭ niećviarozym stanie, paviedamiŭ žurnalistam staršy inśpiektar pa asablivych daručeńniach UDAI MUS Stanisłaŭ Sałaviej, pieradaje BiełTA.
«Što tyčycca kiravańnia transpartam u niećviarozym stanie, to za čatyry dni (z 30 śniežnia pa 2 studzienia) zatrymanyja 344 niećviarozyja kiroŭcy. Tradycyjna pik kiravańnia transpartam u niećviarozym vyhladzie prychodzicca na 1 studzienia, tolki za adzin dzień hetaja ličba skłała 132 kiroŭcy», — skazaŭ Stanisłaŭ Sałaviej. Častka hetych kiroŭcaŭ była zatrymanyja pa zvanku śviedak, jakija, pabačyŭšy, što čałaviek u niećviarozym stanie sadzicca za rul, patelefanavali ŭ 102.
Za nazvanyja čatyry dni na darohach krainy zahinuli 8 čałaviek, 7 ź ich — piešachody. Na siońnia prablema ź piešachodnym traŭmatyzmam staić dosyć surjozna, adznačyŭ staršy inśpiektar pa asablivych daručeńniach. Bolšaść z zahinułych pad kołami aŭto ŭ navahodnija śviaty parušali praviły, nie byli paznačanyja śviatłoadbiŭnymi elemientami, niekatoryja znachodzilisia ŭ niećviarozym stanie.
Dziaržaŭtainśpiekcyja ŭ navahodnija śviaty pracavała va ŭzmocnienym režymie. Asablivaja ŭvaha nadavałasia arhanizacyi darožnaha ruchu pablizu miescaŭ praviadzieńnia śviatočnych mierapryjemstvaŭ i kantrolu za vykanańniem praviłaŭ darožnaha ruchu.
Stanisłaŭ Sałaviej, karystajučysia vypadkam, źviarnuŭsia da ŭsich udzielnikaŭ darožnaha ruchu: kali niedzie bačycie, što na abočynie piešachod znachodzicca ŭ niećviarozym stanie i vychodzić na prajeznuju častku, prymicie nieabchodnyja miery (zabiarycie čałavieka z prajeznaj častki, patelefanujcie ŭ 102). Tym samym, mahčyma, udasca vyratavać čałaviečaje žyćcio.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr10
Kamientary