Prezident ZŠA Barak Abama ŭ svajoj raźvitalnaj pramovie zaklikaŭ amierykancaŭ abaraniać demakratyju, a ŭ kancy vystupu nie zmoh strymać śloz.
chicagotribune.com
U svajoj pramovie jon nazvaŭ rasizm i ekanamičnuju niaroŭnaść adnymi z hałoŭnych pahroz dla demakratyi ŭ ZŠA.
Jašče adnoj pahrozaj dla demakratyčnaha ŭładkavańnia Amieryki Abama ličyć tendencyjny padbor faktaŭ palitykami, kali mierkavańni nie zasnavanyja na «niekatorych ahulnych faktach».
U jakaści prykładu takoj situacyi jon pryvioŭ prablemu źmieny klimatu, nad jakoj aktyŭna pracavała administracyja Abamy, i da jakoj demanstratyŭna abyjakavy abrany prezident ZŠA Donald Tramp.
«Zaraz my možam i pavinny spračacca ab lepšym padychodzie da hetaj prablemy. Ale prosta admaŭlać prablemu aznačaje nie tolki zdradu budučym pakaleńniam, ale i zdradu samomu duchu inavacyj i praktyčnaha vyrašeńnia prablem, jakimi kiravalisia našyja ajcy-zasnavalniki», - zajaviŭ Abama.
Prezident ZŠA taksama nahadaŭ pra pahrozu dla suśvietnaha paradku, zasnavanaha na vykanańni zakonaŭ i pravoŭ čałavieka, z boku relihijnych fanatykaŭ i zamiežnych aŭtakratyj.
«Supierniki, takija jak Rasija i Kitaj, nie zmohuć dasiahnuć takoha ž ŭpłyvu, kali tolki my nie pakiniem toje, u što vierym, i nie pieratvorymsia ŭ jašče adnu vialikuju krainu, jakaja zadziraje maleńkich susiedziaŭ», — padkreśliŭ jon.
«Tak, my možam. Tak, my [heta] zrabili. Tak, my možam. Dziakuj. Niachaj bieraže vas Boh. I chaj praciahnie Boh baranić Amieryku», skončyŭ 50-chvilinnuju pramovu Abama.
Prezident ZŠA Barak Abama vystupaŭ z raźvitalnaj pramovaj u kanhres-centry «Makkormik-Plejs» u Čykaha.
Jon zajaviŭ, što choča skazać pramovu nie ŭ Biełym domie, a ŭ Čykaha, «dzie ŭsio pačałosia», - mienavita tam jon znachodziŭsia, kali atrymaŭ viestku pra svaju pieršuju pieramohu na prezidenckich vybarach u 2008 hodzie.
Razam ź im u kanhres-centr prybyli pieršaja łedzi Mišel Abama i vice-prezident Džo Bajden z žonkaj.
U zale sabralisia kala 20 tysiač čałaviek. Pieršapačatkova kvitki na mierapryjemstva razdavalisia biaspłatna, adnak paźniej ich cana ŭ pierakupščykaŭ u internecie pieravysiła tysiaču dalaraŭ.
Śloz Abama nie strymaŭ, źviartajučysia z trybuny da svajoj žonki Mišel: «Na praciahu apošnich 25 hadoŭ ty była nie tolki majoj žonkaj i maci maich dziaciej, ty była maim lepšym siabram … I ja hanarusia taboj. Usia kraina hanarycca taboj».
Pieršy čarnaskury prezident ZŠA, jakomu zaraz 55 hadoŭ, byŭ abrany na pasadu ŭ 2008 hodzie. Jaho pierajemnik, respublikaniec Donald Tramp užo paabiacaŭ admianić niekatoryja reformy Abamy.
20 studzienia 2017 hoda abrany prezident pryniasie prysiahu i aficyjna ŭstupić u pasadu.
Eks-kandydatku ŭ prezidenty Taćcianu Karatkievič pasadzili na 15 sutak11
Kamientary