Свет2121

Барак Абама не змог стрымаць слёз падчас развітальнай прамовы

Прэзідэнт ЗША Барак Абама ў сваёй развітальнай прамове заклікаў амерыканцаў абараняць дэмакратыю, а ў канцы выступу не змог стрымаць слёз.

chicagotribune.com

У сваёй прамове ён назваў расізм і эканамічную няроўнасць аднымі з галоўных пагроз для дэмакратыі ў ЗША.

Яшчэ адной пагрозай для дэмакратычнага ўладкавання Амерыкі Абама лічыць тэндэнцыйны падбор фактаў палітыкамі, калі меркаванні не заснаваныя на «некаторых агульных фактах».

У якасці прыкладу такой сітуацыі ён прывёў праблему змены клімату, над якой актыўна працавала адміністрацыя Абамы, і да якой дэманстратыўна абыякавы абраны прэзідэнт ЗША Дональд Трамп.

«Зараз мы можам і павінны спрачацца аб лепшым падыходзе да гэтай праблемы. Але проста адмаўляць праблему азначае не толькі здраду будучым пакаленням, але і здраду самому духу інавацый і практычнага вырашэння праблем, якімі кіраваліся нашыя айцы-заснавальнікі», - заявіў Абама.

Прэзідэнт ЗША таксама нагадаў пра пагрозу для сусветнага парадку, заснаванага на выкананні законаў і правоў чалавека, з боку рэлігійных фанатыкаў і замежных аўтакратый.

«Супернікі, такія як Расія і Кітай, не змогуць дасягнуць такога ж ўплыву, калі толькі мы не пакінем тое, у што верым, і не ператворымся ў яшчэ адну вялікую краіну, якая задзірае маленькіх суседзяў», — падкрэсліў ён.

«Так, мы можам. Так, мы [гэта] зрабілі. Так, мы можам. Дзякуй. Няхай беражэ вас Бог. І хай працягне Бог бараніць Амерыку», скончыў 50-хвілінную прамову Абама.

Прэзідэнт ЗША Барак Абама выступаў з развітальнай прамовай у кангрэс-цэнтры «Маккормік-Плейс» у Чыкага.

Ён заявіў, што хоча сказаць прамову не ў Белым доме, а ў Чыкага, «дзе ўсё пачалося», - менавіта там ён знаходзіўся, калі атрымаў вестку пра сваю першую перамогу на прэзідэнцкіх выбарах у 2008 годзе.

Разам з ім у кангрэс-цэнтр прыбылі першая лэдзі Мішэль Абама і віцэ-прэзідэнт Джо Байдэн з жонкай.

AFP

У зале сабраліся каля 20 тысяч чалавек. Першапачаткова квіткі на мерапрыемства раздаваліся бясплатна, аднак пазней іх цана ў перакупшчыкаў у інтэрнэце перавысіла тысячу даляраў.

Слёз Абама не стрымаў, звяртаючыся з трыбуны да сваёй жонкі Мішэль: «На працягу апошніх 25 гадоў ты была не толькі маёй жонкай і маці маіх дзяцей, ты была маім лепшым сябрам … І я ганаруся табой. Уся краіна ганарыцца табой».

Першы чарнаскуры прэзідэнт ЗША, якому зараз 55 гадоў, быў абраны на пасаду ў 2008 годзе. Яго пераемнік, рэспубліканец Дональд Трамп ужо паабяцаў адмяніць некаторыя рэформы Абамы.

20 студзеня 2017 года абраны прэзідэнт прынясе прысягу і афіцыйна ўступіць у пасаду.

Каментары21

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць