U Breście zatrymali hrupu nieapahancaŭ sa «Słavianskaha adradžeńnia» i «Biełaha frontu»

Supracoŭnikami 6-ha ŭpraŭleńnia (pa Bresckaj vobłaści) HUBAZiK MUS spyniena dziejnaść złačynnaj hrupy, jakaja arhanizavała kanał kantrabandnaj pastaŭki z Ukrainy ŭ Biełaruś bojeprypasaŭ i sastaŭnych častak dla ahniastrelnaj zbroi, paviedamlaje dziaržaŭnaje ahienctva BiełTA sa spasyłkaj na ŭpraŭleńnie.

Pavialičyć

U złačynnuju hrupu ŭvachodzili try žychary Bresta, mužčyny 1988 i 1990 hadoŭ naradžeńnia, jakija nidzie nie pracujuć. Jany zajmalisia zbytam ahniastrelnaj zbroi, bojeprypasaŭ, vybuchovych rečyvaŭ, narkatyčnych srodkaŭ i psichatropaŭ. Padazravanyja zatrymanyja na miescy złačynstva 11 studzienia padčas zbytu pnieŭmatyčnaha hazabałonny pistaleta, pieraroblenaha samatužnym sposabam u ručnuju naraznuju ahniastrelnuju zbroju, pryznačanuju dla stralby pistaletnymi patronami kalibru 9 mm. Pry zatrymańni taksama kanfiskavana 56 pistaletnych patronaŭ kalibru 9ch18PM i vybuchovaje rečyva tratył masaj bolšaj za 1 kh. Akramia taho, kanfiskavana 25 h asabliva niebiaśpiečnaha psichatropnaha rečyva amfietamin.

Adznačajecca taksama, što padčas vobyskaŭ u padazravanych kanfiskavana bolš za 100 patronaŭ roznaha kalibru časoŭ Vialikaj Ajčynnaj vajny, porach, bojeprypasy da ručnoha supraćtankavaha hranatamiota, uzryŭpakiety i hukavyja rakiety, jakija źmiaščajuć u svaim składzie vybuchovyja rečyvy, składovyja častki da ahniastrelnaj zbroi, mietaličnyja narychtoŭki dla ručak -pistaletaŭ pad małakalibierny patron, paražajučyja elemienty dla vykarystańnia ŭ samarobnym vybuchovym prystasavańni, pryłady dla vyrabu naraznych stvałoŭ da ahniastrelnaj zbroi, amfietamin, a taksama litaratura, što prapahanduje satanizm, i dapamožnik pa pracy z chimičnymi rečyvami.

«Padazravanyja źjaŭlajucca prychilnikami pahanskaha ruchu «Bieły front» i «Słavianskaje adradžeńnie», prychilnikami ŭkrainskaha ekstremisckaha ruchu «Pravy siektar» [cytata MUS — NN]. Adzin z udzielnikaŭ hrupy spaviadaŭ i prapahandavaŭ radykalnuju formu pahanskaha vieravyznańnia «ruskaje navasłaŭje» z elemientami satanizmu. Pry hetym jon mieŭ navyki vybuchatechnika, sam vyrablaŭ i vypraboŭvaŭ samarobnyja vybuchovyja pryłady. Mužčyna epizadyčna ŭžyvaŭ psichatropnyja rečyvy i marychuanu», — paviedamili pravaachoŭniki.

Pa hetych faktach Śledčym kamitetam raspačaty spravy pa č. 3 art. 295 KK (niezakonny abarot zbroi, bojeprypasaŭ i vybuchovych rečyvaŭ hrupaj asob) i č. 3 art. 328 KK (niezakonny abarot narkatyčnych srodkaŭ, psichatropnych rečyvaŭ i ich prekursoraŭ).

• 0
• 0
• 0
• 0
• 0
• 0
• 0
• 0