Ranicaj 13 studzienia ŭ internacie BDUIR pa vulicy Ja. Kołasa ŭ Minsku zahinuŭ student. Jak raspaviali vidavočcy, chłopiec vypaŭ ź vierchnich pavierchaŭ budynka i zahinuŭ na miescy. Infarmacyju ab zdareńni partału TUT.BY paćvierdzili va Upraŭleńni Śledčaha kamiteta pa Minsku.
Pa słovach studentaŭ, incydent adbyŭsia prykładna ŭ 7 hadzin ranicy ŭ internacie №1 pa vulicy Ja.Kołasa. 4-kurśnik vypaŭ z akna abo bałkona vierchnich pavierchaŭ budynka, jaho cieła znajšli na kazyrku.
Pa słovach pastajalcaŭ internata, ciapier u korpusie idzie ramont, i na niekatorych bałkonach ahulnaha karystańnia častkova demantavana aharodža (pakinutyja parenčy).
Infarmacyju TUT.BY paćvierdzili va Upraŭleńni Śledčaha kamiteta pa Minsku.
— Pravodzicca pravierka pa fakcie śmierci 21-hadovaha studenta BDUIR. Cieła maładoha čałavieka z prykmietami padzieńnia z vyšyni było vyjaŭlena siońnia ranicaj pa vulicy Ja. Kołasa ŭ Minsku. Pryznačanyja ekśpiertnyja daśledavańni, pravodzicca apytańnie studentaŭ i supracoŭnikaŭ VNU dla ŭstanaŭleńnia abstavinaŭ trahiedyi, - raspavioŭ aficyjny pradstaŭnik Upraŭleńnia Alaksiej Klimovič.
Kamientary