Раніцай 13 студзеня ў інтэрнаце БДУІР па вуліцы Я. Коласа ў Мінску загінуў студэнт. Як распавялі відавочцы, хлопец выпаў з верхніх паверхаў будынка і загінуў на месцы. Інфармацыю аб здарэнні парталу TUT.BY пацвердзілі ва Упраўленні Следчага камітэта па Мінску.
Па словах студэнтаў, інцыдэнт адбыўся прыкладна ў 7 гадзін раніцы ў інтэрнаце №1 па вуліцы Я.Коласа. 4-курснік выпаў з акна або балкона верхніх паверхаў будынка, яго цела знайшлі на казырку.
Па словах пастаяльцаў інтэрната, цяпер у корпусе ідзе рамонт, і на некаторых балконах агульнага карыстання часткова дэмантавана агароджа (пакінутыя парэнчы).
Інфармацыю TUT.BY пацвердзілі ва Упраўленні Следчага камітэта па Мінску.
— Праводзіцца праверка па факце смерці 21-гадовага студэнта БДУІР. Цела маладога чалавека з прыкметамі падзення з вышыні было выяўлена сёння раніцай па вуліцы Я. Коласа ў Мінску. Прызначаныя экспертныя даследаванні, праводзіцца апытанне студэнтаў і супрацоўнікаў ВНУ для ўстанаўлення абставінаў трагедыі, - распавёў афіцыйны прадстаўнік Упраўлення Аляксей Клімовіч.
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным2
Каментары