Pieršuju pałovu tydnia ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, sfarmiravanaja ŭ chałodnaj vilhotnaj pavietranaj masie. Słupki termomietraŭ buduć paŭźci ŭniz, i tolki ŭ čaćvier ledź paciapleje.
Pra heta raspavioŭ Tut.by načalnik słužby mietearałahičnych prahnozaŭ Respublikanskaha centra pa hidramietearałohii Dźmitryj Rabaŭ.
U aŭtorak, 17 studzienia, u asobnych rajonach krainy nievialiki śnieh. Nočču i ranicaj u asobnych rajonach tuman, šerań. Na asobnych učastkach daroh hałalodzica. Tempieratura nočču -4 … -10°C, pry prajaśnieńniach -11 … -13°S, dniom -2 … -8°S.
18 studzienia budzie pieravažna biez apadkaŭ. U asobnych rajonach respubliki słaby tuman, šerań, na darohach hałalodzica. Tempieratura nočču -8 … -15°S, pry prajaśnieńniach da -18°S; dniom -4 … -9°S.
U noč na Vadochryšča čakajecca ŭmierana maroznaje nadvorje: unačy -5 … -11°S, pa paŭdniova-ŭschodniaj pałovie -12 … -16°S, pry prajaśnieńniach da -18 ° S; dniom ad 0 pa paŭnočnym zachadzie da -7 ° S pa poŭdni. Nočču ŭ krajnich paŭnočnych rajonach nievialiki śnieh. Dniom pieravažna pa paŭnočnaj pałovie krainy karotkačasovyja apadki (śnieh, mokry śnieh, pa paŭnočnym zachadzie dniom z daždžom), słabyja tuman i hałalod. Na asobnych učastkach daroh hałalodzica.
Dalej ŭładu nad nadvorjem voźmie Atłantyka, i ŭ Biełaruś znoŭ pačnie pastupać sahretaje Halfstrymam ciopłaje i vilhotnaje pavietra, i tempieratura pačnie pavyšacca, ciaplej budzie pa poŭnačy, chaładniej pa poŭdni krainy.
U piatnicu ŭ asobnych rajonach karotkačasovyja apadki (mokry śnieh, doždž), słabyja tuman i hałalod, na darohach hałalodzica. Tempieratura nočču -1 … -8°S, pry prajaśnieńniach pa paŭdniovym zachadzie da -11°S; maksimalnaja dniom -5 … + 2°S.
Kamientary