 |
Źviestki pra kolkaść zatrymanych pa spravie vybuchu 4 lipienia niapeŭnyja i hruntujucca na čutkach, kaža sp. Bialacki. Niechta z padazravanych pačuŭ ad achoŭnikaŭ, što treba zasialać nastupny pavierch. A heta moža aznačać, što pavierch, na jakim utrymlivajuć zatrymanych, zapoŭnieny i na im znachodziacca niekalki dziasiatkaŭ čałaviek. Svajaki padazravanych sprabujuć vyličyć ahulnuju ich kolkaść, sustrakajučysia u čas pieradačaŭ pad ścienami turmy. U lubym razie, miarkuje pravaabaronca, dakładnych ličbaŭ u sytuacyi, kali śledztva nie ahučvaje adpaviednaj infarmacyi, hramadztva pakul nia viedaje.
Praktyka pakazvaje, što, jak praviła, najpierš viadomymi stanoviacca proźviščy tych zatrymanych, što źjaŭlajucca, ci źjaŭlalisia aktyvistami demakratyčnaha ruchu. Ale heta nie aznačaje, što svajaki niepalityčnych zatrymanych nia viedajuć pra los svaich rodnych, adznačyŭ A. Bialacki. Kožny zatrymany maje prava na telefanavańnie i advakata. A ŭžo paviedamlać žurnalistam, ci nie rabić hetaha — prava rodnych padazravanaha.
Pravaabaronca nahadaŭ pra tak zvanuju «chimičnuju» versiju vybuchu.
«Heta taksama adpaviedna charaktaryzuje našych śledčych, jakija najpierš šukajuć fakty, što lažać na pavierchni» — zaŭvažyŭ jon.
Pa źviestkach pravaabaroncaŭ, u SIZA akramia studentki BDU Taciany Piekun, znachodziacca niekalki byłych studentaŭ‑chimikaŭ.
