 |
Z pačatkam sezonu adpačynkaŭ u Vilni paboleła nia tolki turystaŭ, ale i hidaŭ. Niadaŭna haradzkija ŭłady razam ź vilenskim infarmacyjna‑turystyčnym centram zładzili sapraŭdnuju abłavu na nietutejšych ekskursavodaŭ.
Paŭtary hadziny čynoŭniki razam z hramadzkaj palicyjaj cikavali za turystami la kaściołu Śviatych Piatra i Paŭła. Za hety čas prajšło 12 arhanizavanych hrup, pieravažna — palakaŭ. U kožnaha hrupavoha hida praviaralščyki spraŭdžvali dakumenty i hladzieli, ci maje toj admysłovaje paśviedčańnie.
U Litvie ekskursavody — prafesija, vyznačanaja Zakonam ab turyźmie. Kab mieć zakonnaje prava zarablać na turystach, tut naležyć skončyć specyjalnyja kursy pry tym samym infarmacyjna‑turystyčnym centry i atrymać paśviedčańnie ab kvalifikacyi.
Troje hidaŭ (2 palaki i litoŭka) z 12‑ci anijakich paśviedčańniaŭ nia mieli, dyk ich stroha papiaredzili j aznajomili z zakonam.
Usim pravieranym padaravali buklety z apisańniem pravavoha statusu hidaŭ u Litvie.
