З пачаткам сэзону адпачынкаў у Вільні паболела ня толькі турыстаў, але і гідаў. Нядаўна гарадзкія ўлады разам зь віленскім інфармацыйна‑турыстычным цэнтрам зладзілі сапраўдную аблаву на нетутэйшых экскурсаводаў.
Паўтары гадзіны чыноўнікі разам з грамадзкай паліцыяй цікавалі за турыстамі ля касьцёлу Сьвятых Пятра і Паўла. За гэты час прайшло 12 арганізаваных груп, пераважна — палякаў. У кожнага групавога гіда правяральшчыкі спраўджвалі дакумэнты і глядзелі, ці мае той адмысловае пасьведчаньне.
У Літве экскурсаводы — прафэсія, вызначаная Законам аб турызьме. Каб мець законнае права зарабляць на турыстах, тут належыць скончыць спэцыяльныя курсы пры тым самым інфармацыйна‑турыстычным цэнтры і атрымаць пасьведчаньне аб кваліфікацыі.
Трое гідаў (2 палякі і літоўка) з 12‑ці аніякіх пасьведчаньняў ня мелі, дык іх строга папярэдзілі й азнаёмілі з законам.
Усім правераным падаравалі буклеты з апісаньнем прававога статусу гідаў у Літве.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)