Hramadstva2828

Žychar Viciebska damohsia źniaćcia rekłamy kancertaŭ «šansańje» Viktara Kaliny

Fota z sajta Kaliny

Niekalki dzion tamu žychar Viciebska Siarhiej Siasicki adpraviŭ u Viciebski abłvykankam zvarot nastupnaha źmiestu:

«Pavodle infarmacyi ź sietki Internet na terytoryi Viciebskaj vobłaści płanujecca praviadzieńnie kancertaŭ vykanaŭcy šansona Viktara Kaliny.

Zhodna z «Pałažeńniem ab praviadzieńni kulturna-masavych mierapryjemstvaŭ» zaćvierdžanym Ukazam Prezidenta Respubliki Biełaruś ad 19.10.2010 N 542 «Ab praviadzieńni kulturna-vidoviščnych mierapryjemstvaŭ» zabaraniajecca praviadzieńnie mierapryjemstvaŭ:

  • jakija majuć na mecie ažyćciaŭleńnie prapahandy vajny abo ekstremisckaj dziejnaści;
  • jakija ŭjaŭlajuć pahrozu nacyjanalnaj biaśpiecy, hramadskamu paradku, maralnaści i zdaroŭju nasielnictva, pravam i svabodam hramadzian…

Pakinuŭšy za dužkami kalakryminalnuju tematyku «tvorčaści» i vobraz dadzienaha vykanaŭcy, vyklikajuć abureńnie jaho adkryta chamskija i źnievažalnyja kamientary, pahrozy ŭ adras našych suhramadzian, haradoŭ i ŭ cełym Respubliki Biełaruś, zvanaj im u sacyjalnaj sietcy Fejsbuk «biełaraškaj», a taksama infarmacyja ab jaho ŭdziele ŭ bajavych dziejańniach va Ukrainie na baku niezakonnych farmiravańniaŭ.

Miarkujučy, što publičnaja hastrolnaja dziejnaść dadzienaha hramadzianina naŭprost supiarečyć nacyjanalnym intaresam Respubliki Biełaruś, pahražaje hramadzianskamu miru ŭ našaj krainie, prašu razhladzieć pytańnie ab admovie ŭ vydačy jamu hastrolnych paśviedčańniaŭ i ab adklikańni ŭžo vydadzienych».

Siońnia Siarhieju Siasickamu pryjšoŭ adkaz ź Viciebskaha abłvykankama, paviedamiŭ jon u svaim fejsbuku.

«Takim čynam.

1. Ideołahi prymusili jaho prybrać rekłamu, ale tolki čamuści ŭ Viciebskaj vobłaści. Treba mierkavać, na kancerty ŭ inšych abłaściach dazvoły jość, ci tam zakony Biełarusi pracujuć niejak pa-inšamu.

2. Ad acenki jaho chamskich vykazvańniaŭ čakana ŭchililisia.

Što rabić dalej?

1. Nakiravać anałahičnyja listy ŭ astatnija abłvykankamy.

2. Nazirać za sajtam «śpievaka».

Kali na im źjavicca vydalenaja infarmacyja pra kancerty, ci jany adbuducca biez rekłamy, to, značyć, dazvoły atrymanyja, a dziaržaŭnaja ideałohija nie suprać abrazaŭ Respubliki Biełaruś i jaje hramadzian», — reziumuje Siasicki.

Kamientary28

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Usie naviny →
Usie naviny

U Litvie chočuć stvaryć dronavuju zasłonu na miažy ź Biełaruśsiu1

«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi3

U parku Čaluskincaŭ źjavicca «Vieža svabodnaha padzieńnia»2

Miadźviedzieŭ pra ŭltymatum Trampa: Rasii ŭsie roŭna8

«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES18

Trampa spytali, ci jon usio jašče ličyć NATA sastarełaj arhanizacyjaj

Pakalečanaja ŭ Dubai ŭkrainskaja madel pačała havaryć34

«Napramak suśvietnaha ŭzroŭniu». Kurort u Paŭnočnaj Karei budavali, kab adkryć KNDR śvietu, ale pakul i rasijanie nie chočuć jechać8

BMW sutyknułasia ź ZIŁ. Dva čałavieki zahinuli ŭ DTZ u Žytkavickim rajonie

bolš čytanych navin
bolš łajkanych navin

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić