Saŭmin daručyŭ raspracavać novyja adukacyjnyja standarty i abnavić dziejnyja
Ministerstvu adukacyi daručana da 2020 hoda abnavić dziejnyja i raspracavać novyja adukacyjnyja standarty dla «najbolš poŭnaha zabieśpiačeńnia patreb ekanomiki ŭ kvalifikavanych kadrach z ulikam źmianieńniaŭ, jakija adbyvajucca na rynku pracy».
Heta praduhledžana kompleksam mier pa realizacyi prahramy sacyjalna-ekanamičnaha raźvićcia na 2016—2020 hady, zaćvierdžanym pastanovaj Savieta ministraŭ № 18 ad 12 studzienia 2017 hoda. Dakumient siońnia apublikavany na sajcie ŭrada.
Praduhledžvajecca abnavić nie mienš za 40% standartaŭ prafiesijna-techničnaj i siaredniaj śpiecyjalnaj adukacyi i nie mienš za 15% standartaŭ vyšejšaj adukacyi. Taksama płanujecca abnavić ahulnadziaržaŭny kłasifikatar «Śpiecyjalnaści i kvalifikacyi», u jaki buduć uvodzicca novyja prafiesii i pasady i anulavacca sastarełyja. U sistemie dadatkovaj adukacyi praduhledžana stvaryć i zaćvierdzić narmatyŭnuju pravavuju bazu pa raźvićci dystancyjnaj formy navučańnia dla darosłych.
Taksama «ŭ metach zabieśpiačeńnia rostu jakaści i dastupnaści adukacyi» płanujecca da kanca 2018 hoda ŭvieści abnoŭlenuju vučebnuju prahramu daškolnaj adukacyi. Akramia taho, praduhledžvajecca pavialičyć achop inkluziŭnymi formami adukacyi da 80% asob z asablivaściami psichafizičnaha raźvićcia.
Da 2020 hoda pavinny być raspracavany i ŭkaraniony elektronnyja adukacyjnyja resursy i srodki navučańnia (navučalnyja bazy dadzienych, elektronnyja encykłapiedyi, daviedniki, testavalnyja sistemy, hulniavyja navučalnyja prahramy), jakija buduć iści ŭ jakaści dadatku da bazavych padručnikaŭ. Z hetaj metaj da 2020 hoda płanujecca asnaścić sučasnymi srodkami navučańnia i vučebnym abstalavańniem nie mienš jak 40% škoł.
U hetym hodzie staić zadača zabiaśpiečyć u škołach mahčymaść vyvučeńnia vučebnych pradmietaŭ na pavyšanym uzroŭni ŭ ramkach profilnaha navučańnia.
Minadukacyi i Ministerstvu zamiežnych spraŭ daručana stymulavać raźvićcio supracoŭnictva ŭstanoŭ adukacyi z zamiežnymi navučalnymi ŭstanovami. Taksama nieabchodna stvaryć narmatyŭna-pravavy dakumient, jaki b rehulavaŭ paradak utvareńnia, funkcyjanavańnia i spynieńnia dziejnaści adasoblenych padraździaleńniaŭ biełaruskich ustanoŭ adukacyi za miažoj.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31
Kamientary