Kandrusievič na adkryćci: nihilistyčnaja kultura pahražaje vam.
18—20 lipienia ŭ haradskim pasiołku Ivianiec prachodzić pieršaja sustreča katalickaj moładzi Biełarusi z usich dyjacezij krainy. Na mierapryjemstvie prysutničajuć bolš za 1.300 čałaviek — maładyja ludzi z Hrodzienskaj, Pinskaj, Viciebskaj dyjacezij i Minska-Mahiloŭskaj archidyjacezii. Supracoŭniki milicyi ŭ metach biaśpieki praviarajuć asabistyja rečy ŭdzielničaŭ sustrečy.
Katalickuju moładź Biełarusi vitaŭ arcybiskup mitrapalit Minska-Mahiloŭski Tadevuš Kandrusievič. Jon nahadaŭ ab tym, što ŭ aŭstralijskim Sidnei prachodzić sustreča katalickaj moładzi śvietu z papam rymskim Bieniedyktam XVI, i mierapryjemstva ŭ Iviancy arhanizavana dla duchoŭnaha jadnańnia sa Śviatym Ajcom.
"Sioleta papa zaklikaje moładź pryniać siłu Ducha Śviatoha i być śviedkami Chrysta ŭ sučasnym siekularyzavanym śviecie, jaki maje patrebu ŭ chryścijanskim śviedčańni, — zaznačyŭ T.Kandrusievič. — U sučasnym śviecie šmat słoŭ i abiacańniaŭ, ale vielmi mała sapraŭdnaha śviedčańnia. Maładyja ludzi siońnia źjaŭlajucca pieršaj mišeńniu sučasnaj nihilistyčnaj kultury, jakaja ich zaklikaje i zaachvočvaje kultyvavać tolki sumnyja straści. Telebačańnie i inšyja srodki masavaj kamunikacyi stanoviacca terytoryjaj biez maralnych praviłaŭ, jakija viaduć čałavieka da duchoŭnaj dehradacyi".
19 lipienia ŭ Iviancy adbudziecca teletranślacyja ź Sidneja, kanfierencyja ź biskupami, muzyčny kancert, moładzi začytajuć pasłańnie kardynała Tarčyzio Biertonie. 20 lipienia ŭ dźvie hadziny nočy płanujecca pramoje ŭklučeńnie ź Sidneja. Moładź błahasłavić papa rymski Bieniedykt XVI. Taksama čakajecca pryjezd u Ivianiec apostalskaha administratara Pinskaj dyjacezii ksiandza-kardynała Kazimira Śvionteka.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary