Maršrut traktarnaha rali Paryž—Mosar pralahaŭ pa Pastaŭskim i Hłybockim rajonach pamiž vioskami Paryž i Mosar. Startavali traktary ŭ poli kala Paryža, pa maršrucie ruchu viałasia videazdymka spabornictva, u tym liku z pavietra (pry dapamozie kvadrakoptaraŭ). Zaviaršyłasia rali ŭ Mosary, dzie kala kaścioła adbyłasia ŭračystaja cyrymonija ŭznaharodžańnia i kancert.
Pavodle arhanizataraŭ, hetaje mierapryjemstva pavinna paspryjać palapšeńniu imidžu pradpryjemstva i pavyšeńniu prestyžu prafiesii traktarysta.
MTZ płanuje zrabić hety prajekt tradycyjnym.
«Dzie jon budzie prachodzić, vyznačajemsia. Jość cikavaja ideja — my šukali, dzie vioski, jakija nosiać suhučnyja nazvy i znajšli ŭ Čelabinskaj vobłaści viosku Paryž i suhučnuju Mosaru. Chutčej za ŭsio, u Rasii dzieści ŭ kancy žniŭnia praviadziem anałahičnyja spabornictvy, ale ŭžo ź inšaj pradukcyjaj. U płanach pravieści taki ž prabieh, ale ŭžo z novym unikalnym traktaram mahutnaściu 450 konskich sił. Dumaju, mienavita hetyja traktary ŭ nastupnym hodzie voźmuć udzieł u takim prabiehu-vyprabavańni», — cytuje BiełTA hienieralnaha dyrektara AAT «Minski traktarny zavod» Fiodara Damacienku, jaki vystupiŭ pierad žurnalistami na traktarnym rali Paryž—Mosar.
Kamientary