Kaja Kałas: Kitaj zabiaśpiečvaje Rasii 80% tavaraŭ padvojnaha pryznačeńnia i padsiłkoŭvaje vajnu va Ukrainie
«Umacavańnie adnosin Maskvy i Piekina — «najvialikšy vyklik našaha času». Tak vykazałasia kiraŭnica jeŭrapiejskaj dypłamatyi Kaja Kałas, vystupajučy na azijackim forumie pa biaśpiecy «Dyjałoh Šanhry-Ła» ŭ Sinhapury.
Kiraŭnica jeŭrapiejskaj dypłamatyi na forumie ŭ Sinhapury zajaviła, što Kitaj pastaŭlaje Rasii 80% tavaraŭ padvojnaha pryznačeńnia, faktyčna padtrymlivajučy ahresiju suprać Ukrainy. Na jaje dumku, zbližeńnie Maskvy i Piekina — heta adzin z najvialikšych vyklikaŭ dla hłabalnaj biaśpieki, i Jeŭropa pavinna być vielmi zaniepakojenaja takim aljansam, pieradaje Euronews.
Kałas papiaredziła pra pahrozu, jakuju ŭjaŭlaje pahłybleńnie partniorstva pamiž Kitajem i Rasijaj.
«Kitaj zajaŭlaje pra niejtralitet, ale na spravie jaho ekspart padsiłkoŭvaje rasijskuju vajennuju mašynu», — padkreśliła Kałas. Jana adznačyła, što
kali Piekin i Maskva havorać pra «sumiesnaje lidarstva» i «źmieny, jakich nie było sto hadoŭ», heta aznačaje sprobu pierahladu hłabalnaha paradku i isnujučaj sistemy biaśpieki.
Pa słovach Kałas, takaja tendencyja pavinna vyklikać surjoznuju zaniepakojenaść u Jeŭropie i śviecie. Jana zaklikała krainy abaraniać mižnarodnaje prava jak asnovu biaśpieki, asabliva dla małych dziaržaŭ. «Heta parason, jaki sapraŭdy abaraniaje», — dadała jana.
U svaju čarhu, ministr abarony ZŠA Pit Chehsiet adznačyŭ, što Kitaj pavialičvaje cisk na rehijon i imkniecca źmianić bałans sił, uklučna z pahrozami Tajvaniu. Pradstaŭnik Kitaja adchiliŭ zajavy Chiehsieta jak biespadstaŭnyja.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary