Paŭlučenka: Volha Siamaška chacieła atrymać dla aŭdytu mienavita fond «Razam»
«Ja palez u naš čacik, u jakim usio abmiarkoŭvałasia, i chaču skazać, što nie randomna Volha Siamaška atrymała dla pravierki hety fond».
U aŭtarskim prajekcie redaktaraŭ Reform.news «Saša, čto ty niesioš?!» jaho aŭtary — Alaksandr Atroščankaŭ i Fiodar Paŭlučenka — abmierkavali toje, što Aljans rasśledvalnikaŭ Biełarusi zastupiŭsia za Volhu Siamaška i «napisaŭ, što ŭsio heta niapraŭda».
Pa słovach Atroščankava, jon dva razy pračytaŭ materyjał i nie zrazumieŭ, što niapraŭda.
«Arhumient mnie spadabaŭsia: «My nie znajšli dokazaŭ, što muž Siamaški pracuje ŭ niejkaj siłavoj struktury», — dzielicca mužčyna.
Nahadajem, što muž Siamaški Fiodar Harbačoŭ maje pašpart prykryćcia.
«Naša Niva» źviartała ŭvahu na toj fakt, što žančyna paśla «Marafonu salidarnaści» pravodziła aŭdyt fondu «Razam» i takim čynam mieła dostup da ŭraźlivaj infarmacyi. Praź niekalki tydniaŭ paśla aŭdytu «Razam» adnaho ź ludziej, zhadanych u śpisie, aryštavali ŭ Biełarusi.
Fiodar Paŭlučenka zaŭvažyŭ, što razam z Volhaj Siamaškaj uvachodziŭ u naziralnuju radu Marafona. Aljans rasśledvalnikaŭ paprasiŭ dvuch inšych udzielnikaŭ naziralnaj rady — hałoŭnaha redaktara «Jeŭraradyjo» Paŭła Śviardłova i byłoha supracoŭnika «Biełsata» Ihar Kuleja — raskazać, jakim čynam raźmiarkoŭvalisia dla aŭdytu fondy, jakija atrymali hrošy ad Marafonu.
«I tam Śviardłoŭ, pa-mojmu, ci chto tam [skazaŭ] typu randomna-randomna, vypadkova heta ŭsio [adbyvałasia]. Što nibyta pavinna paćvierdzić, što fond «Razam» Siamaška atrymała vypadkova, što jana nie vybirała, jaki fond kankretna choča praviarać», — kaža Paŭlučenka.
«Ja palez (…) u naš čacik, u jakim usio abmiarkoŭvałasia, i chaču skazać, što nie randomna Volha Siamaška atrymała dla pravierki, dla aŭdytu fond «Razam». Jana chacieła mienavita hety fond», — śćviardžaje Paŭlučenka.
Pa słovach mužčyny, jon nie moža skazać, čym było abumoŭlena takoje žadańnie.
«Aljans rasśledvalnikaŭ heta [rasśledavańnie] zrabili, tamu što jany sapraŭdy ciarpiać reputacyjnyja vydatki, bo Volha Siamaška ź imi supracoŭničała. (…) Aljans pasprabavaŭ abialić siabie ŭ tym liku, dakazvajučy, što Volha Siamaška nie viarblud. Ale atrymałasia tak sabie», — dadaje Paŭlučenka.
Volha Siamaška pryniała rašeńnie prypynić supracu ź biełaruskimi prajektami
«Dumajecie, ja hety pašpart doma nie šukała?» Volha Siamaška prakamientavała situacyju z dakumientam prykryćcia svajho muža
«Baču pomstu za maju pracu». Volha Siamaška adreahavała na rasśledavańnie «NN»
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
Drobnatraŭčatyja razborki i hryźnia nikomu nie cikavych piersanažaŭ, pra jakija 99% biełarusaŭ nie viedaje i viedać nie choča. Paskudstva i absalutnaje vydaleńnie ad naroda, Bastyjon Biełaruščyny.
I čamu vy nie adkazvajecie na pytańni pra chavańnie infarmacyi ad hramadstva Viačorkam? Heta našmat bolšaje złačynstva, čym mieńnie muža-ahienta. Zierkała čakała miesiacami adkazaŭ na svaje pytańni - u vas ich uvohule, vidać, niama da hetych asobaŭ.