Kamandzir padraździaleńnia «Samali» Uzbrojenych sił «DNR» Michaił Tałstych (pazyŭny Hivi) byŭ zabity ŭ Daniecku.
Pra heta paviedamiła apieratyŭnaje kamandavańnie DNR.
«Siońnia ŭ 06:12, u vyniku terarystyčnaha aktu zahinuŭ hieroj DNR, kamandzir bataljona «Samali» pałkoŭnik Michaił Tałstych, viadomy jak Hivi», — havorycca ŭ paviedamleńni.
U DNR śćviardžajuć, što apieracyja była praviedziena ŭkrainskimi siłavikami.
Bajavik pa mianušcy Achra ŭ hutarcy z žurnalistami «RIEN TV» paćvierdziŭ, što Michaiła Tałstych zabili va ŭłasnym kabiniecie. Paviedamlajecca, što ŭ pamiaškańni jon znachodziŭsia nie adzin — ź im byli jašče dva kalehi.
Raniej stała viadoma, što vybuch adbyŭsia ŭ vyniku stralby z reaktyŭnaha piachotnaha ahniamiotu (RPA) «Čmiel».
Padrabiaznaści ŭdakładniajucca.
37-hadovy Tałstych da 2014 hoda pracavaŭ kiroŭcam pahruzčyka na kanatnym zavodzie.
Hivi vyłučaŭsia asablivaj žorstkaściu. Siarod inšaha, jon asabista katavaŭ pałonnych ukrainskich vajskoŭcaŭ i supracoŭnikaŭ Ministerstva ŭnutranych spraŭ.
Raniej vybucham bomby ŭ lifcie byŭ źniščany inšy kamandzir bajevikoŭ Mataroła. U tajamničych abstavinach zahinuli taksama palavyja kamandziry Betmen, Mazhavoj, Dromaŭ, Iščanka, pieršy kiraŭnik «ŁNR» Bołataŭ dy inšyja. U toj ža čas kiraŭniki «ŁNR» Płatnicki i «DNR» Zacharčanka vyžyli paśla ranieńniaŭ.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary