Fiederalnaja słužba pa vieterynarnym i fitasanitarnym nahladzie (Raśsielhasnahlad) pašyryła śpis biełaruskich pradpryjemstvaŭ, jakim abmiežavanaja pastaŭka pradukcyi, infarmuje BiełaPAN.
Jak paviedamiła pres-słužba rasijskaha viedamstva, hetaje rašeńnie pryniata «pa vynikach analizu nieadpaviednaściaŭ, vyjaŭlenych pry praviadzieńni łabaratornych daśledavańniaŭ pradukcyi žyviolnaha pachodžańnia, jakaja pastupiła na terytoryju Rasijskaj Fiederacyi z terytoryi Respubliki Biełaruś».
Časovyja abmiežavańni ŭviedzienyja ŭ dačynieńni da pradpryjemstva «Žłobinski miasakambinat» (paŭtornaje vyjaŭleńnie bakteryj rodu Listeria monocytogenes u jałavičynie astudžanaj). Taksama ŭviedzieny režym ŭzmocnienaha łabaratornaha kantrolu ŭ dačynieńni da pradpryjemstvaŭ «Dubraŭski brojler», «Kamaroŭka», «Smalavičy Brojler», «Staŭbcoŭski miasakansiervavy kambinat».
Akramia taho, Raśsielhasnahlad «ličyć nieabchodnym prainfarmavać «ab vyjaŭlenych parušeńniach jakasnaha sastavu pry pastaŭkach pradukcyi nastupnych biełaruskich pradpryjemstvaŭ: TAA «Alihoreks» (pieravyšeńnie ŭtrymańnia reštkavaj kolkaści kansiervantaŭ u syry); AAT «Kobrynski masłarobna-syrarobny zavod» (vyjaŭleńnie nieadpaviednaści masavaj doli vilhaci ŭ abiastłuščanym rečyvie syru); AAT «Pružanski małočny kambinat» (vyjaŭleńnie nieadpaviednaści masavaj doli vilhaci ŭ abiastłuščanym rečyvie syru i nieadpaviednaści masavaj doli tłušču ŭ suchim rečyvie).
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary