U Lepieli zatrymanaja siamiejnaja para pa padazreńni ŭ zabojstvie miascovaj žycharki, paviedamiła BiełTA aficyjny pradstaŭnik upraŭleńnia Śledčaha kamiteta pa Viciebskaj Śviatłana Sacharava.
Lepielskim rajonnym adździełam Śledčaha kamiteta zaviedziena kryminalnaja sprava pa p.6 č.2 art.139 (zabojstva, ździejśnienaje z asablivaj žorstkaściu) KK pa fakcie vyjaŭleńnia trupa žančyny ŭ haražnym kaapieratyvie Lepiela.
18 lutaha a 4.00 u dziažurnuju častku Lepielskaha RAUS pa telefonie pastupiła paviedamleńnie ad miascovaha žychara ab tym, što jaho žonka pryjechała dadomu, razbudziła jaho i paviedamiła ab ździejśnienym zabojstvie svajoj znajomaj. Papiarednie jana pieraapranułasia, spaliła na prysiadzibnym učastku svaju vopratku i napisała pieradśmiarotnuju zapisku.
Supracoŭnikami orhanaŭ unutranych spraŭ u adnym z haražnych kaapieratyvaŭ byŭ znojdzieny trup žančyny, 1990 hoda naradžeńnia, z prykmietami hvałtoŭnaj śmierci ŭ vyhladzie kołata-rezanych ran tvaru, šyi i ruk. Śledčyja pryznali padazravanymi pa kryminalnaj spravie siamiejnuju paru.
45-hadovy mužčyna i 25-hadovaja žančyna zatrymanyja, ź imi pracujuć śledčyja. Na miescy zdareńnia, a taksama pa miescy žycharstva padazravanych u pryvatnym domie i na prylehłaj da jaho terytoryi śledčyja praviali ahlady, u vyniku jakich kanfiskavali nož, pieradśmiarotnuju zapisku, frahmienty adzieńnia, aŭtamašynu «Opiel Astra».
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary