Ukrainski sajt «Infarmnapałm» apublikavaŭ fotazdymki ź niadaŭniaha źjezdu «Sajuza dabraachvotnikaŭ Danbasa», dzie prysutničaŭ šerah najbolš adyjoznych asobaŭ ź liku rasijskich terarystaŭ.
Chedłajnieram sustrečy byŭ vysokapastaŭleny rasijski čynoŭnik Uładzisłaŭ Surkoŭ — pamočnik prezidenta Rasii, były vice-premjer, jaki ličycca ideołaham i raspracoŭščykam płana ahresii suprać Ukrainy.
Surkoŭ pasiaredzinie ŭ biełaj kašuli, levaruč — kiraŭnik «Sajuza dabraachvotnikaŭ Danbasa» palittechnołah Baradaj. Milčakoŭ u kamuflažy
Cikava, što niekatoryja prysutnyja na sustrečy — nieanacyst Alaksiej Milčakoŭ i kiraŭnik «Jenot korp» Raman Cielankievič spryčynilisia da vyvazu biełaruskich dziaciej na bajavy vyškał u Padmaskoŭje, a taksama da trenirovak achvotnych biełarusaŭ z Mahilova.
Milčakoŭ viadomy svaimi nieprychavanymi nieanacysckimi pohladami, zabojstvami sabak i ludziej — na trupach jon nažom vyrazaŭ svastyki.
***
Čytajcie taksama: Biełaruskich školnikaŭ adpraŭlali ŭ Rasiju ŭ trenirovačnyja łahiery pad kiraŭnictvam nieanacystaŭ
Čytajcie taksama: Milicyja papiaredziła arhanizataraŭ «dziciačaha kazackaha kłuba» na Viciebščynie, što praciah dziejnaści moža pryvieści da ich departacyi
Čytajcie taksama: Achoŭniki z Mahilova jeździli na treniroŭku da rasijskaha bajevika Milčakova
