Namieśnik hiendyrektara instytutu «Sosny» zajaŭlaje ab pieravahach rasiejskaj kampanii «Atamstrojekspart» e planie budaŭnictva AES.
Pieravaha rasijskaj kampanii «Atamstrojekspart» u płanie budaŭnictva AES u tym, što jaje enierhabłoki aktyŭna ekspłuatujucca ŭ śviecie. Takuju dumku vykazaŭ namieśnik hienieralnaha dyrektara Abjadnanaha instytuta vysokaenierhietyčnych i jadziernych daśledavańniaŭ «Sosny» Nacyjanalnaj akademii navuk Biełarusi Mikałaj Hruša 24 lipienia ŭ Minsku padčas pasiadžeńnia kruhłaha stała pa pytańniach arhanizacyi radyjacyjnaj biaśpieki nasielnictva pry budaŭnictvie AES.
U pryvatnaści, pavodle słoŭ śpiecyjalista, kampanija «Atamstrojekspart» pabudavała dva enierhabłoki ŭ Kitai, uvodziacca ŭ ekspłuatacyju rasijskija enierhabłoki ŭ Indyi i Iranie.
«Charakterna, što kraina Jeŭrasajuza — Bałharyja — vybrała dla budaŭnictva rasijski enierhabłok. Dla hetaha im daviałosia vyrašyć šerah palityčnych prablem, ale ŭ vyniku ES daŭ dabro na zbudavańnie stancyi», — skazaŭ M.Hruša.
Razam z tym, zaznačyŭ namieśnik hiendyrektara instytuta, Biełaruś razhladaje varyjanty reaktaraŭ, što vyrablajucca takimi transnacyjanalnymi kampanijami, jak amierykana‑iaponskaja «Viestynhchaŭs‑Tošyba» i franka‑hiermanskaja «Areva». Usie hetyja prajekty, pavodle jaho słoŭ, adpaviadajuć jeŭrapiejskim patrabavańniam, «ale jość niuansy».
«Jak fiziku‑reaktarščyku, jaki zajmaŭsia raźlikami i prajektavańniem, mnie typ reaktara, što vyrablajecca amierykancami, padabajecca. Adnak treba zaŭvažyć: heta kampanija za apošnija 30 hadoŭ nie pabudavała nivodnaha enierhabłoka», — zajaviŭ M.Hruša.
Kažučy pra reaktary kampanii «Areva», jon zaznačyŭ, što «błoki niadrennyja, tam praduhledžana dvajnaja achoŭnaja abałonka». Adziny ich niedachop — zanadta vialikaja mahutnaść: 1,4—1,6 tys. MVt. Takaja mahutnaść, pavodle słoŭ M.Hrušy, «nie ŭpišacca ŭ biełaruskuju enierhasistemu».
Aprača taho, pavodle słoŭ vučonaha, u jadziernaj enierhietycy «nie pavinna być drobiaziej». Pry vybary partniora, zaznačyŭ jon, važna praduhledžvać takija aśpiekty, jak ahulnaść movy, padabienstva narmatyŭnaj bazy i technałohij.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary