Zdymak biełaruski Ksienii Hałubovič staŭ adnym ź pieramožcaŭ mižnarodnaha konkursu Female in Focus za 2025 hod
Fota zroblenaje ŭ Charkavie, za 20 km ad linii frontu — u prytułku dla śmiarotna chvorych i ludziej stałaha vieku, pieramieščanych ź niebiaśpiečnaj ci akupavanaj Rasijaj terytoryi.
Ała, jakaja žyvie ŭ prytułku i jakaja na hetym zdymku, užo ź ciažkaściu aryjentujecca ŭ realnaści, ale jana lubić raskazvać pra svaju siamju, havoracca ŭ apisańni fatahrafii na sajcie konkursu.
Konkurs, jaki pravodzicca časopisam British Journal of Photography u partniorstvie z kampanijaj Nikon, maje na mecie pašyryć hałasy žančyn-fatohrafaŭ pa ŭsim śviecie. Sioleta pieramožcami stali dva prajekty i 21 asobnaje fota. Adno z fota — biełaruskaj fatohrafki Ksienii Hałubovič.
Ksienija Hałubovič raskazała Radyjo Svaboda pra historyju zdymka:
«Siabar padkazaŭ mnie heta miesca, kali daviedaŭsia, što ja jedu ŭ Charkaŭ. Historyi pra ludziej, jakija stracili dom praz akupacyju, vielmi blizkija mnie. Ja pahavaryła, z kim atrymałasia, i źbirałasia sychodzić. Heta fota było apošnim. Ja vypadkova paviarnułasia i ŭbačyła hety kadr. I mianie heta začaravała».
Hledačy taksama mohuć prahałasavać za hety zdymak u katehoryi «Vybar ludziej» na sajcie konkursu.
Ksienija Hałubovič — dakumientalnaja fatohrafka i kinematahrafistka, letaś zapuściła na YouTube aŭtarski prajekt Columbus Post.
Ciapier čytajuć
Źjaviłasia jašče adno FOTA Mikoły Statkieviča paśla vyzvaleńnia1
Kamientary