Ščotkina: Hramadstvu treba padtrymlivać mužčyn, a nie krytykavać
U intervju BiełTA Maryjana Ščotkina, namieśnica staršyni Savieta Respubliki, staršynia Biełaruskaha sajuza žančyn, padzialiłasia, jakija prablemy treba vyrašyć, kab palepšyć umovy žyćcia mužčyn u Biełarusi:
— Biełaruskaja sistema maciarynstva i dziacinstva — adna z najlepšych na postsavieckaj prastory. Pahadziciesia, žančyny pryvučany sačyć za svaim zdaroŭjem ź dziciačych hadoŭ — adbivajecca i šmathadovaja metanakiravanaja prafiłaktyčnaja rabota, i samaidentyfikacyja žančyny jak budučaj maci. A ŭ prapahandavańni bieražlivych adnosin mužčyn da svajho zdaroŭja, na žal, mnohaje było vypuščana. Heta adstavańnie treba nahaniać — farmavać kaštoŭnaść zdaroŭja ŭ vačach samich mužčyn. I pačynać hetuju pracu nieabchodna ź dziciačaha ŭzrostu. Pryčym treba razumieć, što mužčynskaje zdaroŭje — heta šyrokaje paniaćcie (havorka idzie nie tolki ab repraduktyŭnym zdaroŭi, ale i pra staŭleńnie mužčyn da žyćcia ŭ cełym).
Toj fakt, što siaredniaja praciahłaść žyćcia mužčyn, pa statystycy, praktyčna na 10 hadoŭ mienšaja, čym u žančyn, tolki paćviardžaje, što pytańniami mužčynskaha zdaroŭja varta zajmacca vielmi surjozna. Biełaruski sajuz žančyn u 2017 hodzie pačynaje akcyju «Pad baćkavym kryłom», kab padkreślić važnaść sacyjalnaj roli baćki, muža. Hramadstvu treba šanavać układ mužčyn u vychavańnie dziaciej, u viadzieńnie chatniaj haspadarki, u farmiravańnie siamiejnych kaštoŭnaściaŭ. Mienavita šanavać, padtrymlivać, a nie krytykavać. Ciapier dosyć šmat biełaruskich mužčyn, dla jakich siamja i dzieci — u liku hałoŭnych žyćciovych pryjarytetaŭ.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta6
Kamientary