Śledčy kamitet rasśleduje kryminalnuju spravu ab kradziažy majomaści SUP «Damanavičy-Ahra» ŭ Kalinkavickim rajonie. Suma vykradzienaha — bolš za 1 300 000 denaminavanych rubloŭ (kala 683 tysiač dalaraŭ). Pra heta paviedamlaje pres-słužba viedamstva.
— Pa viersii śledstva, ź vieraśnia 2015 hoda pa śniežań 2016 hoda dyrektar sielskahaspadarčaha pradpryjemstva pa papiaredniaj zmovie z kiraŭnikom adnoj z kampanij Minskaj vobłaści, pry dapamozie fiktyŭnych dakumientaŭ na adhruzku bujnoj rahataj žyvioły, miasa i pradukcyi ŭłasnaj vytvorčaści, ździejśniŭ ź im kradziež majomaści pradpryjemstva na sumu bolš jak 1 300 000 denaminavanyja rubloŭ. Vykradzienaja pradukcyja realizoŭvałasia ŭ Biełarusi i Rasii, - paviedamiła aficyjny pradstaŭnik USK pa Homielskaj vobłaści Maryja Kryvanohava.
U dačynieńni da kiraŭnikoŭ zaviedziena kryminalnaja sprava pa artykule «Kradziež šlacham złoŭžyvańnia słužbovymi paŭnamoctvami, učynieny ŭ asabliva bujnym pamiery». Jany zaklučanyja pad vartu.
Śledčyja pracujuć nad vyjaŭleńniem inšych epizodaŭ kryminalnaj spravy i źviartajucca da hramadzian, jakija vałodajuć značnaj dla śledstva infarmacyjaj, paviedamić jaje pa telefonach: (8-0232) 70-46-11, (8029) 505-89-93. Kanfidencyjalnaść harantujecca.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary