U niadzielu ŭ Minsku projdzie finał chakiejnaha turniru «Załataja šajba», u jakim udzielničajuć padletkavyja amatarskija kamandy z usioj krainy. Letaś spabornictvy vyjhrała staličnaja kamanda «Hryfony», u składzie jakoj hulaje Mikałaj Łukašenka, a syn prezidenta byŭ pryznany najlepšym bambardziram. Napiaredadni finału-2017 TUT.BY pahutaryŭ z dyrektaram SDIUŠAR «Dynama» i trenieram «Hryfonaŭ» Dźmitryjem Baskavym.
Mikałaj Łukašenka hulaje ŭ «Hryfonach» pad numaram 1, sioleta na pazicyi krajniaha levaha forvarda. Jon upieršyniu pryniaŭ udzieł u «Załatoj šajbie» u minułym hodzie i adrazu atrymaŭ zvańnie najlepšaha bambardzira, zakinuŭšy 9 šajb.
— Za hod jon vyras jak chakieist. Spabornicki dośvied, atrymany ŭ minułym hodzie, šmat u čym hetamu spryjaŭ. Plus jon vielmi vyciahnuŭsia, nabraŭ masu ciahlicaŭ. U hetym hodzie jon vyhladaje jašče macniejšym, čym u minułym, — raspavioŭ Dźmitryj Baskaŭ.
Da ŭdziełu ŭ «Załatoj šajbie» jon 5 hadoŭ treniravaŭ Mikałaja Łukašenku indyvidualna. Ciapier syn prezidenta trenirujecca ŭ składzie «Hryfonaŭ»: pieršyja 45 chvilin hulcy zvyčajna pryśviačajuć adpracoŭcy techniki, taktyki, chutkaści, sile abo vynoślivaści, astatnija — adviedzieny na chakiej.
— Samy mocny bok Mikałaja jak chakieista — vielmi niaŭstuplivy charaktar. Jon choča pieramahać i ŭsio robić dla hetaha. Stavić pierad saboj maksimalnyja mety i idzie da ich, — kaža Baskaŭ.
Dla syna prezidenta Baskaŭ taksama starajecca być siabram. Pavodle jaho słoŭ, jany ź Mikałajem Łukašenki razmaŭlajuć nie tolki pra chakiej. Sam padletak u intervju 11-hadovamu žurnalistu z Rasii nazvaŭ jaho hałoŭnym prykładam. Baskaŭ ličyć, što dla luboha treniera heta samaja vialikaja ŭznaharoda.
— Ničoha zvyšnaturalnaha ja dla hetaha nie rabiŭ. Prosta byŭ saboj, staraŭsia znachodzić kantakt i dla navučańnia, i dla niejkich siabroŭskich adnosinaŭ, - raspaviadaje Baskaŭ.
Vidać, što jon hanarycca svaim padapiečnym.
— Ja asabista naziraŭ mnohija navyki Mikałaja. Heta i fartepijana, i płavańnie, i technična pravilnaje katańnie na łyžach. Jon razumny, adukavany, ścipły i adzin z samych dyscyplinavanych dziaciej, ź jakimi mnie davodziłasia mieć znosiny.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy18
Kamientary