17 sakavika Ihar Mielnikaŭ zaprašaje na aŭtorhaf-siesiju svajoj novaj knihi «Zabytyja hieroi» u minskaj «Akademknizie»
Novaje vydańnie biełaruskaha historyka pryśviečana małaviadomym staronkam vajskovaj historyi Biełarusi, u pryvatnaści, raskazvaje pra słužbu biełarusaŭ u Druhim polskim korpusie i Pieršaj polskaj asobnaj pavietrana-desantnaj bryhadzie padčas Druhoj suśvietnaj vajny.
Kniha bahata ilustravana ŭnikalnymi fotazdymkami z pryvatnaha archiva Ihara Mielnikava, a taksama ŭ joj, upieršyniu ŭ Biełarusi, źmieščany kalarovyja zdymki ŭniformy z kalekcyi aŭtara. Mienavita ŭ hetych «betłdresach» biełaruskija andersaŭcy i desantniki zmahalisia z nacystami ŭ 1944 hodzie ŭ Italii i Hałandyi. Darečy, kalekcyi ŭniformy Druhoj suśvietnaj vajny, jak u aŭtara knihi, mohuć pazajzdrościć šmatlikija biełaruskija i navat zamiežnyja muziei. Akrom hetaha, vialikaja ŭvaha ŭ knizie nadadziena pytańniam ryštunku i ŭzbrajeńnia hetych vajskovych farmacyj.
28 lutaha 2017 hoda ŭ Ch paviljonie Varšaŭskaj cytadeli adbyłosia ŭračystaje adkryćcio vystavy «Biełarusy ŭ Vojsku Polskim 1939-1945 hh. Z pryvatnaha archiva Ihara Mielnikava». Nahadajem, što hety prajekt byŭ zrobleny biełaruskim daśledčykam u supracy z Ambasadaj Polščy ŭ Minsku. Na viernisažy prysutničała vialikaja kolkaść pradstaŭnikoŭ polskich ministerstvaŭ i viedamstvaŭ, a taksama zamiežnyja dypłamaty, akredytavanyja ŭ Polščy. Ihar Mielnikaŭ pravioŭ ekskursiju pa vystavie, a taksama prezientavaŭ novuju knihu i raspavioŭ prysutnym pra toje, jak adbyvałasia praca nad joj.
Varta adznačyć, što vystava ŭ Varšavie adkryłasia pad patranatam Ambasady Biełarusi ŭ Varšavie, a ambasadar Alaksandr Aviarjanaŭ padkreśliŭ vialikuju važnaść zachavańnia pamiaci pra našych suajčyńnikaŭ, što słužyli ŭ polskim vojsku ŭ 1939-1945 hh. Akramia hetaha Ihar Mielnikaŭ prezientavaŭ knihu ŭ Siejmie Polščy.
Nakład «Zabytych hierojaŭ» — usiaho 300 asobnikaŭ i hetaje ŭnikalnaje vydańnie stała sapraŭdnaj padziejaj na biełaruskim knižnym rynku. Apošnija asobniki knihi možna budzie nabyć padčas aŭtohrafsiesii, jakaja adbudziecca 17 sakavika 2017 hoda a 17 hadzinie ŭ staličnaj kniharnie «Akademkniha». Tam ža možna budzie sustrecca i parazmaŭlać z kandydatam histaryčnych navuk Iharam Mielnikavym.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary