SK: Barančyk zatrymany pa našym zapycie, vyrašajecca pytańnie ekstradycyi ŭ Biełaruś
Jak skazaŭ «Našaj Nivie» pres-sakratar Śledčaha kamiteta Siarhiej Kabakovič, niadaŭniaje zatrymańnie šef-redaktara analityčnaj słužby «Rehnuma» Juryja Barančyka vyklikanaje zapytam biełaruskaha boku.
«U chodzie rasśledavańnia kryminalnaj spravy ŭ dačynieńni Siarhieja Šyptenki, Juryja Paŭłaŭca i Dźmitryja Alimkina ŭ ramkach kryminalnaj spravy pa č. 3 art. 130 (raspalvańnie varožaści), była ŭstanoŭlena datyčnaść da supraćpraŭnaj dziejnaści i hramadzianina Biełarusi Juryja Barančyka, jaki stała pražyvaŭ u Maskvie. Śledčy vynies pastanovu ab užyvańni da jaho miery strymańnia ŭ vyhladzie zaklučeńnia pad vartu i abviaščeńnia ŭ vyšuk. Ciapier Barančyk zatrymany ŭ miežach apieracyi «Vyšuk» u Maskvie, vyrašajecca pytańnie ab jaho ekstradycyi ŭ Respubliku Biełaruś», — skazaŭ Kabakovič.
Nahadajem, siońnia nočču ŭ Maskvie byŭ zatrymany hramadzianin Biełarusi, šef-redaktar analityčnaj słužby «Rehnuma» Juryj Barančyk. Ciapier jon znachodzicca ŭ Darahamiłaŭskim RUUS Maskvy.
Rehnum miarkuje, što zatrymańnie Ju. Barančyka było praviedziena pa zapycie biełaruskich uładaŭ, jakija z pačatku śniežnia 2016 hoda viaduć palityčny pieraśled aŭtaraŭ i supracoŭnikaŭ sajta «pa nadumanych abvinavačvańniach u «raspalvańni mižnacyjanalnaj varožaści», pa jakich im pahražaje da 12 hadoŭ źniavoleńnia.
U «Rehnumie» taksama padkreślili, što da zatrymanaha nie puskajuć advakata.
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary