Takaja zajava była zroblena ŭ adkaz na repliku žycharki horadu Sparks. Taja vykazała zaniepakojenaść dalejšym losam svajoj kampanii, jakaja praz handlovyja sankcyi ŭ dačynieńni da režymu Łukašenki nia moža praciahvać dačynieńni z važnym dla jaje partneram u Biełarusi.
«Łukašenka — žorstki dyktatar. Ja liču, što Ameryka pavinna supraćstajać dyktataram», — zajaviŭ na ŭčorašniaj sustrečy z vybarščykami štatu Nevada kandydat na prezydenta ZŠA ad respublikanskaj partyi Džon Makkiejn.
Jak paviedamlaje miascovaja presa, takaja zajava była zroblena ŭ adkaz na repliku žycharki horadu Sparks. Taja vykazała zaniepakojenaść dalejšym losam svajoj kampanii, jakaja praz handlovyja sankcyi ŭ dačynieńni da režymu Łukašenki nia moža praciahvać dačynieńni z važnym dla jaje partneram u Biełarusi i tamu ryzykuje zbankrutavać. Nevadzkaja biznesoŭka spytałasia ŭ Makkiejna, jak toj źbirajecca vieści zamiežnuju palityku, kab nia škodzić amerykanskim intaresam.
Adkazvajučy na pytańnie, kandydat na prezydenta ZŠA paspačuvaŭ vybarnicy, adnak zaznačyŭ, što padtrymlivaje sankcyi suprać «despatyčnaj ułady prezydenta Łukašenki».
Pavodle naziralnikaŭ, u kampanii kankurenta Makkiejna Baraka Abamy biełaruskaja tema dahetul faktyčna nie fihuruje, jak, darečy, i rasiejskaja.
Kamientary