Jan Maksimiuk zaklikaŭ biełaruskija vydańni admovicca ad papiarovaj viersii i pierajści ŭ internet
Žurnalist radyjo «Svaboda» i aŭtar biełastockaha vydańnia Czasopis Jan Maksimiuk zaklikaŭ vydaŭcoŭ i redaktaraŭ całkam pierajści ŭ internet, bo moładź haziet i časopisaŭ u papiarovym varyjancie amal nie čytaje, a kali i čytaje, to vyklučna na elektronnych ekranach.
«Z boku spažyŭca-čytača patrabujecca niemały vysiłak — treba kupić vydańnie ŭ kijosku abo aformić padpisku, a potym pazbavicca makułatury», — piša jon u adnym z apošnich numaroŭ Czasopisa, adznačajučy, što heta vydańnie pavinna pierajści ŭ internet.
«Siońnia ŭžo niemahčyma ŭjavić sabie surjoznaje papiarovaje vydańnie biez svajoj internet-viersii. Novyja pieryjadyčnyja vydańni ŭźnikajuć tolki ŭ internetnaj viersii, a niekatoryja šyrokaviadomyja mižnarodnyja vydańni admovilisia ad raniejšaj papiarovaj viersii (naprykład, Newsweek u 2013 hodzie). Taki majem suśvietny trend, i jaho nastupstvy datyčać taksama našych papiarovych biełaruskich pieryjodykaŭ u Biełastoku».
Sp. Maksimiuk miarkuje, što internet-viersija Czasopisa pavinna stać pieršasnaj, a a papiarovaja — druhasnaj.
«Hučyć strašna, ja viedaju. Ale kali my nie raźvitajemsia z našaj addanaściu žurnalistycy rodam z XIX st., my prapali», — reziumuje jon.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary