Try chviliny spatrebiłasia sudździ minskaha abłasnoha suda Łapieku, kab razhledzić skarhu staršyni ruchu «Za svabodu» Juryja Hubareviča na niezakonny prysud.
Sud Maładziečanskaha rajonu pakaraŭ 11 sakavika staršyniu ruchu «Za Svabodu» Juryja Hubareviča aryštam na 15 sutak za arhanizacyju Maršu «Ja niedarmajed» u Maładziečnie. Hubarevič z hetym rašeńniem nie zhadziŭsia i abskardziŭ jaho ŭ abłasnym sudzie.
«Hubarevič prosić spynić spravu i admianić prysud Maładziečanskaha suda», — začytaŭ siońnia sudździa Łapieka.
Pa jahonych słovach, u abhruntavańni skarhi skazana, što Hubarevič svajoj viny nie pryznaŭ, na płoščy Maładziečna 10 sakavika znachodziŭsia, kab vyrazić svaju hramadzianskuju pazicyju, što šeście było niesankcyjavanym, nie viedaŭ. Staršynia ruchu nazvaŭ svajo zatrymańnie niezakonnym, jak i pasiadžeńnie suda, jakoje było praviedzienaje ŭ vychodnyja.
«Rašeńnie suda pakinuć bieź źmienaŭ, skarhu biez zadavalnieńnia», — padvioŭ vynik karotkaha pasiadžeńnia Łapieka.
