«Alivaryja» prezientavała novy hatunak u honar hrafa Čapskaha FOTA I VIDEA
23 sakavika «Alivaryja» prezientavała śpiecyjalnuju liniejku jeŭrapiejskaha piva — Karol Jan. Varyć hatunak pačali na hetym tydni ŭ brovary, pabudavanym lehiendarnym meram Minska — Karalem Janam Čapskim.
Takim čynam kampanija vyrašyła addać naležnaje adnamu sa svaich zasnavalnikaŭ. «Karal Jan Čapski viadomy tym, što pry im Minsk staŭ prasunutym jeŭrapiejskim horadam z telefonam, tramvajem, elektrastancyjaj, brovaram, — kaža hienieralny dyrektar pivavarnaj kampanii «Alivaryja» Dzianis Šarścieńnikaŭ. — Minčuki ciapier šmat padarožničajuć i šmat čaho kaštavali. Našy pivavary, natchniŭšysia spravami vialikaha kiraŭnika horada, jaki imknuŭsia pryŭnosić lepšaje ź Jeŭropy dadomu, zvaryli dva pieršyja hatunki Karol Jan: śvietłaje piva ŭ bielhijskim styli Blonde i tradycyjnaje niamieckaje ciomnaje piva «Dunkel».
Karol Jan Blonde — heta śvietłaje piva ŭ bielhijskim styli, miakkaje i ščylnaje. Vałodaje śvietła-załacistym koleram. Cieła vysakaščylnaje i kruhlavaje, sa ščylnaj vysokaj pienaj. Smak piva suchi i nasyčany. Pieravažajuć soładavy i kvietkava-fruktovy vodary.
Karol Jan Dunkel — ciomnaje tradycyjnaje niamieckaje piva z nasyčanym soładavym smakam i ledź prykmietnaj horyčču. Vałodaje śvietła-kaštanavym koleram. U smaku hetaha piva prysutničajuć vodary padsmažanaha chleba z masłam, karamieli i inžyru.
Ad siońnia novyja hatunki ŭžo možna znajści na palicach u kramach. Dla pieršaj partyi zvaryli kala 150 tysiač litraŭ piva. Pry hetym treba adznačyć, što hatunak maje nie siezonny charaktar: jaho možna budzie znajści zaŭždy ŭ kramie.
Taksama ŭ Minsku ŭpieršyniu źjaviŭsia nieaficyjny dvoryk Čapskaha pa adrasie Zybickaja, 6. U dvoryku minskaha bara «Čapski bar» źjaviłasia simvaličnaja «zorka» u honar hrafa.
Z nahody prezientacyi piva my, razam z kampanijaj «Alivaryja» padrychtavali piać małaviadomych faktaŭ pra Karala Jana Čapskaha:
Pahladzieli? A ciapier pasprabujcie prajści test.
PRAŹMIERNAJE ŬŽYVAŃNIE PIVA ŠKODZIĆ ZDAROŬJU
TAA «Siettie Studija» UNP 192409356
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary