Amierykanski ratavalnik 20 chvilin rabiŭ sabaku štučnaje dychańnie paśla taho, jak jaho vyciahnuli z pałajučaha doma, paviedamlaje VVS.
Nału, sabaka parody bišon fryze, zapaŭ u šok ad žaru i dymu ŭ kvatery ŭ horadzie Santa-Monika, Kalifornija. Pažarnik Endru Klajn zapoŭz u pałajučuju kvateru na karačkach i znajšoŭ sabaku ŭ dalokaj spalni.
«Jon lažaŭ biez ruchu, — raspavioŭ pažarnik. — Ja padniaŭ jaho i vybieh z kvatery, tamu što čas — klučavy faktar, asabliva dla maleńkaha sabaki. Ja nie moh dapuścić niaŭdačy». Pažarny departamient Santa-Moniki ŭdakładniaje ŭ pres-relizie, što sabaka nie dychaŭ i ŭ jaho nie było pulsa.
Pažarniki rabili štučnaje dychańnie i vykarystoŭvali śpiecyjalnuju kisłarodnuju masku dla žyvioł dla vientylacyi lohkich sabaki. «Prajšło 20 chvilin, i sabaka pačaŭ dychać samastojna, pryjšoŭ u prytomnaść, navat zmoh chadzić», — paviedamlaje departamient.
«U jaho byli šklanyja vočy, jon nie dychaŭ, i ja vyrašyła, što jon pamior, — raspaviała haspadynia sabaki, jakaja stajała na kaleniach pobač. — Ale pažarnik skazaŭ: «Ja aptymist. Davajcie prosta vierniem jaho nazad».
Paśla sutak u kisłarodnaj pałatcy Nału całkam papraviŭsia.
Ciapier čytajuć
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary