Pasoł Rasii ŭ Biełarusi Alaksandar Surykaŭ vykazaŭ zaniepakojenaść u suviazi ź dziejnaściu zachodnich krain na terytoryi krainy. Pra heta jon zajaviŭ u intervju ahienctvu Sputnik, apublikavanym u niadzielu, 2 krasavika.
«Usio, što tyčycca dziejańniaŭ Zachadu na ŭkrainskim fłanhu, na biełaruskim, heta ŭsie dziejańni antyrasijskija. I my razumiejem, što nastupnyja namahańni buduć nakiravany ŭ Biełaruś, i jany ŭžo nakiravanyja», — zajaviŭ jon.
Pry hetym, na dumku Surykava, krainy Jeŭrasajuza «pakul nie ŭ stanie adarvać» Minsk ad Maskvy. «Tak i Biełaruś nie hatovaja kinucca ŭ abdymki Zachadu, razarvaŭšy ŭsie ekanamičnyja suviazi. Jość prykład Ukrainy, jość prykład Małdovy», - padzialiŭsia pasoł.
U jakaści prykładu antyrasijskaj dziejnaści dypłamat adznačyŭ, što ŭ Biełaruś «začaścili roznyja delehacyi». Jon dadaŭ, što Rasija pryhladajecca da taho, što adbyvajecca i «pracuje na hetym napramku».
U chodzie intervju Surykaŭ taksama zakranuŭ temu naftahazavaj sprečki Maskvy i Minska. Jon vykazaŭ upeŭnienaść, što baki ŭ lubym vypadku dasiahnuć kampramisu.
«U Biełarusi niama hetaha spuskavoha kručka zachodnie-ŭkrainskich abłaściej, tradycyjna antyrasiejskich, vyhadavanych jašče ŭ Aŭstra-Vienhierskaj impieryi. I niama rusafobii», — kanstatavaŭ Surykaŭ.
U chodzie hutarki dypłamat taksama vykazaŭ zaniepakojenaść, źviazanuju z peŭnaj vajennaj aktyŭnaściu ŭ vyhladzie vučeńniaŭ pryhraničnych Biełarusi krainaŭ NATA
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary