Śpiecyjalisty Raśsielhasnahladu ŭ sieradu, 5 krasavika, adpraviacca ŭ Biełaruś dla pravierki žyviołahadoŭčych pradpryjemstvaŭ krainy. Pra heta RBK raspaviała aficyjny pradstaŭnik viedamstva Julija Miełano.
«Zaŭtra śpiecyjalisty Raśsielhasnahladu vyjazdžajuć u Biełaruś, zaraz farmirujem śpis pradpryjemstvaŭ dla pravierki, budziem uzhadniać jaho ź biełaruskim bokam», — skazała Miełano. Jana dadała, što dakładnyja terminy inśpiekcyi pakul nie ŭstanoŭleny.
Napiaredadni, 3 krasavika, u Strelnie pad Sankt-Pieciarburham adbylisia pieramovy Uładzimira Pucina z Alaksandram Łukašenkam. Na sustrečy, u pryvatnaści, uzdymałasia pytańnie ab supracoŭnictvie ŭ śfiery sielskaj haspadarki.
«Ja prasiŭ urad RF, kab na hetym tydni našy śpiecyjalisty vyjechali ŭ Biełaruś i papracavali tam z kalehami na adpaviednych pradpryjemstvach, u dačynieńni da jakich paŭstali niejkija sumnievy z punktu hledžańnia zachavańnia našych fitasanitarnych normaŭ», - zajaviŭ kiraŭnik rasijskaj dziaržavy.
Vizit supracoŭnikaŭ Raśsielhasnahladu ŭ Biełaruś stanie pieršym z pačatku 2017 hoda.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB10
Kamientary