 |
Tradycyjna pryniata ličyć, što z uzrostam čałaviek tracić vastryniu rozumu, ale navukoŭcy vyśvietlili, što my sami zdolnyja pieraškodzić razburalnaj pracy času.
Dla cieła aerobika, a dla mazhoŭ — neŭrobika, jakaja dazvolić doŭha zachoŭvać jasnaść i vastryniu rozumu navat u stałyja hady. Pačać nikoli nia pozna, zapeŭnivajuć mazhaviedy. Navat kali čałaviek užo narakaje na słaby rozum, u jaho jość šancy ŭ adzin cudoŭny dzień znoŭ urazić usich svajoj žaleznaj lohikaj.
Hetaja himnastyka dla mozhu ŭklučaje ŭ siabie ŭsiaho tolki piać prostych praviłaŭ.
1. Dla pačatku pasprabujcie čyścić zuby albo nabirać telefonny numar nia pravaj, a levaj rukoj. Heta našmat ciažej, čym zdajecca, i patrabuje peŭnaj kancentracyi. Hałoŭnaje, što takim čynam umacoŭvajucca suviazi miž abodvuma paŭšarjami mozhu.
2. Dalej pasprabujcie zajmacca čym‑niebudź dastatkova zvykłym z zapluščanymi vačyma. Naprykład, prymać duš. Hałoŭnym čynam mozhu davodzicca zajmacca apracoŭkaj infarmacyi, atrymanaj praz orhany pačućciaŭ. Zaplučščyŭšy vočy, vy prymušajecie svoj hałaŭny kamputar apracoŭvać atrymanuju infarmacyju pa‑novamu, što nadzvyčaj karysna.
3. Hulajcie ŭ nastolnyja hulni — nieabchodnaść praličvać chady j pradumvać raznastajnyja hulniavyja sytuacyi nie daje maham zaržavieć.
4. Pasprabujcie dadać da svajoj rucinnaj abydzionnaści element navizny. Nia treba vynachodzić rovar — prosta pasprabujcie rabić svaju štodzionnuju pracu ŭ krychu inšym paradku ci prosta vybierycie dla svajho kresła novaje miesca, pajdzicie dachaty inšaj darohaj. Heta zmusić vas pahladzieć na śviet ź inšaha punktu hledžańnia — jak u prostym, tak i ŭ pieranosnym sensie.
5. Narešcie, nie pahardžajcie «stravaj dla rozumu». Ščodra raznastajvajcie svoj štodzionny racyjon antyaksydantami, jakich bahata ŭ jahadach, harbacie j zialenivie.
Na pytańnie pra toje, jak časta varta vykonvać usie hetyja praktykvańni, navukoŭcy adkazvajuć, što najlepš pieratvaryć ich u svaju dobruju zvyčku j rabić pa niekalki razoŭ na dzień.
Varta taksama pamiatać, što niekatoryja leki, jakija dapamahajuć ciełu, škodziać mozhu. Tamu lepš, kali mahčyma, abyścisia bieź niekatorych šyroka ŭžyvanych relaksantaŭ, antyspazmatykaŭ i antydepresantaŭ ci, prynamsi, źvieści ich prymianieńnie da minimumu.
I, buzumoŭna, nia varta zabyvać pra karyść dobraha hłybokaha snu.
