U Kijevie aktyvisty «Nacyjanalnaha korpusa» zabłakavali Rasijski centr navuki i kultury, dzie pavinna była prajści «Tatalnaja dyktoŭka» pa ruskaj movie.
Pra heta paviedamlaje Interfaks-Ukraina sa spasyłkaj na kiraŭnika pres-słužby pradstaŭnictva Śviatłanu Vałynienka.
«Budynak zabłakavany aktyvistami hrupoŭki «Nacyjanalny korpus», spynieny dostup, hučali pahrozy fizičnaj raspravy», - zajaviła Vałynienka.
Pavodle jaje słoŭ, la budynka raźmiaścilisia kala 50 čałaviek, na terytoryju centra ich nie puściła achova. Aktyvisty pakłali łancuh na varoty i zabłakavali prachod śmiećcievymi bakami.
Vałynienka adznačyła, što 8 krasavika ŭ budynku Rassupracoŭnictva pavinna była adbycca mižnarodnaja akcyja «Tatalnaja dyktoŭka» - tradycyjnaja štohadovaja dyktoŭka pa ruskaj movie, jakaja ŭ 2017 hodzie prachodzić u 72 krainach śvietu.
Paśla pryjezdu palicyi błakada była źniataja. Ale aktyvisty paabiacali viarnucca a 14:00, prakantralavać, ci adbudziecca dyktoŭka, paviedamlaje pravda.com.ua.
Raniej palityčnaja partyja «Nacyjanalny korpus» zaklikała ŭkraincaŭ zabirać svaje ŭkłady z rasijskich bankaŭ, što dziejničajuć na terytoryi Ukrainy, a ŭłady — adklikać licenzii rasijskich bankaŭ.
Kamientary