Na ekstranym pasiadžeńni Savieta Biaśpieki AAN, sklikanym dla abmierkavańnia amierykanskaha rakietnaha ŭdaru pa aeradromie siryjskich uradavych VPS, Vašynhton i Maskva abmianialisia ŭzajemnymi abvinavačvańniami adnosna niehatyŭnych nastupstvaŭ dziejańniaŭ adzin adnaho.
ZŠA zrobiać tak, što Bašar Asad bolš nie budzie ŭžyvać chimičnuju zbroju, paabiacała pastajanny pradstaŭnik Złučanych Štataŭ u AAN Niki Chejli.
«Praduchileńnie raspaŭsiudžvańnia i vykarystańnia chimičnaj zbroi - nieadjemnaja častka našych nacyjanalnych intaresaŭ, - zajaviła dypłamat. - My hatovyja pajści dalej, choć spadziajemsia, što hetaha nie spatrebicca».
Spadarynia Chejli vykazała ŭpeŭnienaść u tym, što «ŭzmacnieńnie Asada pryviadzie tolki da novych zabojstvaŭ», asudžajučy za padtrymku siryjskaha ŭrada Rasiju i Iran.
Pradstaŭnik RF u Saviecie Biaśpieki Uładzimir Safrankoŭ, sa svajho boku, nazvaŭ dziejańni ZŠA niezakonnymi i jakija hrajuć na ruku «terarystam».
«Vašy adnabakovyja dziejańni pryviaduć rehijon da žudasnych trahiedyj», - zajaviŭ jon.
A brytanski pradstaŭnik Mećju Rajkroft nazvaŭ amierykanski ŭdar «praparcyjnym adkazam na niejmavierny akt» [chimičnuju ataku, u jakoj siryjskaja apazicyja i Zachad abvinavačvajuć režym Asada].
Pa dadzienych miascovych miedykaŭ, raspyleńnie vysokataksičnaha hazu zaryn ŭ kantralavanym siryjskaj apazicyjaj nasielenym punkcie Chan-Šejchun 4 krasavika, pryviało da zhuby 89 čałaviek, siarod jakich 33 dziaciej i 18 žančyn. Aficyjny Damask admaŭlaje svaju datyčnaść da chimičnaj ataki.
U noč na piatnicu dva amierykanskija eśmincy, jakija znachodziacca ŭ Mižziemnym mory na poŭdzień ad Kipra, vypuścili 59 kryłatych rakiet «Tamahaŭk» pa aeradromie Šejrat na zachadzie pravincyi Choms. U Vašynhtonie śćviardžajuć, što mienavita adsiul vylecieli samaloty, jakija ździejśnili chimičnuju ataku.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary