Biełaruskija chakieisty vyjhrali ŭ zbornaj Łatvii ŭ paŭtornym vyjaznym matčy Jeŭračelendžu — 3:0 (2:0, 0:0, 1:0). Matč prachodziŭ 8 krasavika ŭ Daŭhaŭpiłsie. Šajbami ŭ pieršym pieryjadzie adznačylisia Daniła Karabań i Alaksandr Kahaloŭ, a ŭ apošniaj tracinie hulni šajbu ŭ pustuju bramu sapiernikaŭ zakinuŭ hałkipier biełaruskaj zbornaj Michaił Karnavuchaŭ.
U pieršym tavaryskim matčy z kamandaj Łatvii biełarusy sastupili — 0:1.
U krasaviku padapiečnych Dejva Ljuisa čakaje jašče šerah tavaryskich sustrečaŭ u ramkach Jeŭračelendžu. 14 krasavika i 15 krasavika jany zhulajuć sa zbornaj Niamieččyny (matčy projduć u Žłobinie i ŭ Babrujsku), 21 i 22 krasavika prymuć u Hrodnie kamandu Šviecyi, a 30 krasavika i 1 traŭnia zhulajuć na vyjeździe z francuzami.
Kamientary