Skulpturnuju kampazicyju «Mastak» płanujecca ŭstalavać u histaryčnym centry Minska, paviedamiŭ hałoŭny inžynier KUP «Minskaja spadčyna» Michaił Žych.
U kampazicyi znojdzie adlustravańnie zborny vobraz mastaka, jaki zachavaŭ na svaich pałotnach stary Minsk. Jak miarkujecca, skulptura raźmieścicca pablizu Sabornaj płoščy pravaruč ad ahladnaj placoŭki (pa chodzie ruchu da Ratušy ad stancyi mietro Niamiha). «Čamu vybrali mienavita hetuju tematyku? Pa mnohich histaryčnych abjektach u archivach praktyčna niama materyjałaŭ, jakija paćviardžajuć dakładnaść ich architekturnaha abličča, i ŭ takich vypadkach restaŭrataram časam dapamahajuć malunki viadomych i nieviadomych žyvapiscaŭ. Naprykład, zamaloŭkam histaryčnych miaścin i pomnikaŭ Minska pryśviečana vialikaja kolkaść rabot Juzefa Pieški i Napaleona Ordy», — adznačyŭ Michaił Žych. Pry najaŭnaści finansavańnia novaja skulpturnaja kampazicyja źjavicca ŭ Vierchnim horadzie ŭžo ŭ hetym hodzie.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary